ចាប់តាំងពីឆ្នាំ ២០១១ មក ក្រុមហ៊ុនអេឡិចត្រូនិកជប៉ុន Sharp មិនដែលទទួលបានប្រាក់ចំណេញនៅក្នុងត្រីមាសណាមួយឡើយ ជាពិសេសគឺនៅឆ្នាំ ២០១២ ប៉ុន្តែនៅពេលនេះ Sharp បានទទួលបានប្រាក់ចំណេញជាលើកដំបូងក្នុងរយៈពេល ២ឆ្នាំចុងក្រោយ ដោយសារកំណើនតម្រូវការឧបករណ៍ស្រូបថាមពលពន្លឺព្រះអាទិត្យ។
សារព័ត៌មាន Bloomberg បានចុះផ្សាយាថា ក្រុមហ៊ុនមួយនេះ ទទួលបានប្រាក់ចំណេញសុទ្ធមានចំនួន ១៣៨ លានដុល្លារអាមេរិក ក្នុងត្រីមាសទី៣។
ក្រុមហ៊ុន Sharp កំពុងទទួលបានអត្ថប្រយោជន៍ពីកំណើនតម្រូវការឧបករណ៍ស្រូបថាមពលពន្លឺព្រះ អាទិត្យ ក្នុងប្រទេស ជប៉ុន ដែលប្រទេសនេះបានចាប់ផ្តើមគម្រោងលើកទឹកចិត្តសម្រាប់ផលិតកម្មថាមពលជំនួសកាលពីឆ្នាំមុន។
ក្រុមហ៊ុន Sharp បានលើកឡើងពីការលក់ដ៏រឹងមាំសម្រាប់ឧបករណ៍ស្រូបថាមពលពន្លឺព្រះអាទិត្យ និងម៉ាស៊ីនថត នៅពេលដែលកំពុងទម្លាក់ការព្យាករពីការខាតបង់ប្រចាំឆមាសទីមួយកាលពីខែ កញ្ញា មុនពេលប្រមូលមូលធនជាង ១ ពាន់លានដុល្លារក្នុងការបោះផ្សាយមូលបត្រជាសាធារណៈជាលើកទីមួយគិតចាប់ពីឆ្នាំ ១៩៧៩ មក៕
មតិយោបល់