យន្តហោះចម្បាំង Lockheed SR-71 ដែលស្ថាបនាឡើងក្រោមគម្រោងសម្ងាត់នៃ Lockheed’s Skunk Works ត្រូវបានគូសប្លង់ក្រោយការបាត់បង់យន្តហោះប្រភេទស៊ើបការណ៍ U-2 spyplane នៅក្នុងសហភាពសូវៀតនៅក្នុងខ្ទង់ឆ្នាំ 1960 ។ U-2 spyplane ជាយន្តហោះស៊ើបការណ៍ដែលហោះបានខ្ពស់បំផុតហើយមិនអាចបាញ់ពីដីទៅបានទេតែ Lockheed SR—71 ត្រូវបានបំពាក់បច្ចេកវិទ្យាដែលអាចហោះបានខ្ពស់ជាងអ្វីដែល U-2 spyplane ធ្វើបានទៅទៀតហើយវាមានល្បឿនលឿនដោយសូម្បីការបាញ់គ្រាប់មីស៊ីលក៏វាអាចមានសមត្ថភាពគេចបានដែរ។
ចាប់ពីឆ្នាំ 1966 ដែលវាត្រូវបានអាមេរិកដាក់ឲ្យដំណើរការមកទល់ឆ្នាំ 1989 នោះ Lockheed SR-71 បានហោះហើរបំពេញភារៈកិច្ចរាប់ពាន់បេសកកម្មជុំវិញពិភពលោកដូចជាការគូសប្លង់ទីតាំងទាហានរបស់ប្រទេសនានាចាប់ពីប្រទេសចិនដល់អេហ្ស៊ីបនិងនៅជុំវិញតំបន់អាកទិកទៅដល់កូរ៉េខាងជើងជាដើម។
លោក Colonel Rich Graham ដែលជាអ្នកបើកបរយន្តហោះចម្បាំងដ៏អស្ចារ្យមួយនេះចាប់តាំងពីឆ្នាំ 1974 មកទល់ពាក់ទស្សវត្សទី 80 និងក្រោយមកបានក្លាយជាអ្នកបណ្តុះបណ្តាលជំនាញខាងបើកយន្តហោះនេះហើយលោកក៏ធ្លាប់បានសសេរសៀវភៅជាច្រើនដែលនិយាយពីយន្តហោះចម្បាំងមួយនេះដែរ៕
ទស្សនាវីដេអូឃ្លិបដូចខាងក្រោមនេះ៖
មតិយោបល់