អង់គ្លេស៖ ក្តីរំពឹងរបស់តោខៀវ បានខ្ទាត់ចេញពីក្របខណ្ឌ Champions League បន្ទាប់ពីចាញ់ក្លិប Atletico Madrid នៅលើទឹកដីរបស់ខ្លួន ក្នុងលទ្ធផល ៣ – ១ ។
មួយគ្រាប់ដំបូងរបស់ Fernando Torres នៅនាទីទី ៣៦ បានធ្វើឲ្យតោខៀវសង្ឈឹមយ៉ាងមុតមាំថា អាចនឹងចាកផុតពី ទុក្ខវេទនា ដូច Bayern Munich ជួប Real Madrid ក៏ប៉ុន្តែផ្ទុយស្រឡះ នៅនាទី ៤៤ កីឡាករ Adrian Lopez បានទាត់បាល់ផ្ទប់នឹងដី ជួយឲ្យ Atletico Madrid តាមស្មើ ។ ក្នុងតង់ទី ១ បើទោះបីជាវាយបកគ្នាយ៉ាងណា ត្រឹមតែលទ្ធផលស្មើ តែប៉ុណ្ណោះ ។
ចូលមកដល់តង់ទី ២ កីឡាករ Samuel Eto’o បានធ្វើឲ្យ Diego Costa ដួលនៅប្រអប់សំខាន់ ដែលជាកន្លែងគ្រោះថ្នាក់ អាជ្ញាកណ្តាលក៏សម្រេចចិត្ត ឲ្យ Costa ទាត់បាល់ ១១ ម៉ែត្រ ។ ការទាត់បាល់ពិន័យ ១១ ម៉ែត្រ របស់ Costa បានសម្រេចនៅនាទី ៦០ បានធ្វើឲ្យ Jose Mourinho កាន់តែមានទឹកមុខអាក្រក់ ហើយជោគវាសនាកាន់តែដូច Bayern Munich ។ រហូតដល់នាទី ៧២ កីឡាករ Turan ក៏ក្លាយជាវិរៈបុរស របស់ Atletico Madrid ដោយជួយបន្ថែមគ្រាប់បាល់ ឲ្យក្លិបខ្លួនកាន់តែមានគម្លាតគ្រាប់បាល់ និង ជោគវាសនា ទៅកាន់វគ្គផ្តាច់ព្រ័ត្រ ខណៈ អធិរាជស Real Madrid កំពុងដេក អេសពោះរងចាំនោះ ។
បើទោះបីជា Jose Mourinho បន្ថែមយុទ្ធសាស្ត្រយ៉ាងណាក៏ដោយ តែមិនអាចធ្វើបានសម្រេចឡើយ ក្រោយមទម្រង់ការពារដ៏រឹងមាំ របស់ Atletico ស្របពេលដែលឱកាសខ្លួនមានច្រើន តែជាថ្ងៃសយ។ ចប់លទ្ធផល Jose Mourinho ចាញ់ Atletico ក្នុងលទ្ធផល ១ – ៣ ៕
ទស្សនាវីដេអូប្រកួត ២១ នាទីដូចខាងក្រោមនេះ ៖
មតិយោបល់