រយៈពេលយ៉ាងយូរដែលម្នាក់ៗទន្ទឹងរង់ចាំមើលថា Nexus 5 មានអ្វីអស្ចារ្យ ដែលកាលពីកន្លងមកមានតែការប្រកាសទៅលើប្រព័ន្ធដំណើរការ Kikat ដែលជាជំនាន់ថ្មីសម្រាប់ Nexus 5 នេះ។ សមិត្ថផលថ្មីនេះដែរត្រូវបានក្រុមហ៊ុន LG ជាអ្នកផលិតវាឡើង ដែររាងស្ដើង និងល្បឿនលឿនជាងមុន ដោយធ្វើឲ្យការបង្ហាញនៅលើអេក្រង់ប្រភេទ HD កាន់តែច្បាស់ត្រជាក់ភ្នែក មិនត្រឹមតែប៉ុណ្ណោះមានការរួមបញ្ចូលគ្នា 4G/LTE ផងដែរ និងការប្រើប្រាស់ Wifi កាន់តែលឿនអស្ចារ្យ។ បើនិយាយពីការចាប់យករូបភាពរបស់វាវិញកាន់តែអស្ចារ្យមិននឹងស្មានដល់នោះគឺ ទោះជាការថតរបស់អ្នកគ្មាន ឬមានកម្រឹតក៏ដោយ ហើយមានលក្ខណៈញ័រកើតឡើងនោះ Nexus 5 នឹងធ្វើការថតជាច្រើនរូប ដោយរូបដែលបានថតនោះនឹងត្រូវបានធ្វើការរួមបញ្ចូលគ្នាតែមួយប៉ុណ្ណោះ និងមានគុណភាពច្បាស់ល្អបំផុត ដោយមិនចំណាយពេលការថតច្រើនរូបផ្សេងគ្នាដូចដែរមាននៅលើទូរស័ព្ទផ្សេងៗទៀត។
ខាងក្រោមនេះជាចំណុចសំខាន់ខ្លះដែរមាននៅលើ Nexus 5
-ពន្លឺ និងការអង្រួន
មានតែ Nexus 5 នេះតែប៉ុណ្ណោះនាពេលនេះ ដោយរាល់ការព្រួយបារម្ភរបស់លោកអ្នកទៅលើដៃញ័រ ឬរូបភាពមិនច្បាស់នោះ នឹងត្រូវបំបាត់ចោលទាំងអស់។ Nexus 5 ត្រូវបានបន្ថែមនៅពន្លឺសម្រាប់ការថតនៅពេលយប់ ជាពិសេសការថ្លឹងថ្លែងទៅលើការអង្រួនតែម្ដង។
-សម្រាប់ការថតនៅពេល យប់ និងថ្ងៃ
HDR++ ធ្វើឲ្យរូបភាពរបស់លោកអ្នកដូចនឹងកែវភ្នែករបស់អ្នកមើល ដោយត្រូវបានធ្វើការចាប់យកកម្រឹតពណ៌យ៉ាងច្បាស់ និងធ្វើការថតយករូបភាពច្រើនរួមបញ្ចលគ្នាតែមួយ ដែលល្អបំផុតដែលអាចធ្វើទៅបាន។
-រូបរាង
រូបរាងកាន់តែស្អាតជាងមុន រួមនឹងរចនាឲ្យស្ដើងរឹងមាំ ហើយស្រាលត្រឹមតែ ១៣០ ក្រាមតែប៉ុណ្ណោះ។ ទោះជារូបរាងថ្មីមានភាពស្ដើងជាមុនក៏ដោយតែភាពរឹងមាំធុននឹងការប្រើប្រាស់ទូទៅ។
-ល្បឿន ថាមពល និងសេវា
ជាមួយនឹង 4G/LTE រួមនិង ultra-fast Wifi នោះ ធ្វើឲ្យដំណើរការភ្ជាប់យ៉ាងល្អបំផុតនិងល្បឿនលឿនផងដែរ។ Nexus 5 មាន 2.3 GHz Qualcomm Snapdragon™ 800 processor។
-ប្រព័ន្ធដំណើរការ
Android 4.4 ឬ KitKat នឹងធ្វើឲ្យការប្រើប្រាស់ទៅលើ Nexus 5 កាន់តែលឿនជាមួយនឹងបច្ចេកវិទ្យាថ្មីផងដែរ។
Nexus 5 បានធ្វើការដាក់លក់នៅ Google Play សហរដ្ឋអាមេរិក, អូស្ត្រាលី, បារាំង, អាលឺម៉ង់, អ៊ីតាលី, ជប៉ុន, កូរ៉េ ដែលមានតម្លៃចាប់ពី ៣៤៩ ដុល្លារ។
មតិយោបល់