ទីក្រុងប៉េកាំង (06/11/13) ៖ប្រភពពីទីភ្នាក់ងារសារព័ត៌មានស៊ិនហួរបានឲ្យដឹងថាប្រទេសអាល្លឺម៉ង់ថ្មីៗនេះបានស្នើរសុំឲ្យស្ថានទូតអង់គ្លេសប្រចាំទីក្រុងប៊ែកឡាំងធ្វើការបកស្រាយនិងពន្យល់ពីមូលហេតុដែលខ្លួនបានធ្វើការលួចលបយកការណ៍ពីប្រទេសអាល្លឺម៉ង់។
កាសែត UK newspaper ជាកាសែតឯករាជ្យមួយបានសរសេរអត្ថបទមួយដែលនិយាយថារដ្ឋាភិបាលប្រទេសអង់គ្លេសបានដំណើរការស្ថានីយប្រតិបត្តិការស្តាប់សម្លេងមួយកន្លែងនៅក្នុងទីក្រុងប៊ែកឡាំងជាមួយនឹងបច្ចេកវិទ្យាដ៏ទំនើបមួយដែលបានបំពាក់ទៅនឹងដំបូលរបស់អគារស្ថានទូតរបស់ខ្លួន។ហើយក្នុងអត្ថបទនោះទៀតក៏បាននិយាយថែមទៀតថាឧបករណ៍ដ៏ទំនើបនេះវាមានសមត្ថភាពអាចចាប់យកការនិយាយគ្នាតាមទូរស័ព្ទនិងតាមរយៈការទំនាក់ទំនងគ្នាផ្សេងទៀតរបស់រដ្ឋាភិបាលអាល្លឺម៉ង់។
អាល្លឺម៉ង់បានបញ្ជាក់ថាការលួចយកព័ត៌មានសម្ងាត់នានារបស់អង់គ្លេសមិនមែនជាការបំពេញបេសកកម្មការទូតនៅប្រទេសខ្លួននោះទេហើយវាក៏អាចចាត់ទុកថាជាអំពើរំលោភបំពានលើច្បាប់អន្តរជាតិផងដែរ។អាល្លឺម៉ង់នៅតែបន្តការរងចាំរបស់ខ្លួនលើការបកស្រាយរបស់អង់គ្លេសមកទល់ពេលនេះ៕
មតិយោបល់