ចិន៖ការដើរដោយពាក់ទ្រនាប់ជើងដែលមានទម្ងន់ធ្ងន់គឺមានផលវិបាកណាស់នៅក្នុងការធ្វើដំណើរ ប៉ុន្តែលោក Zhang Fuxing វ័យ ៥១ឆ្នាំរស់នៅក្នុងទីក្រុង Tangshan ខេត្ត Hebei ប្រទេសចិន នៅតែពាក់ទ្រនាប់ជើងដែកដែលមានទម្ងន់ធ្ងន់ទៅណាមកណាជារៀងរាល់ថ្ងៃ។ លោក Zhang បានចំណាយពេល ៧ ឆ្នាំក្នុងការផលិតទ្រនាប់ជើងដែក ដែលមានប្រវែង ៣០ សង់ទីម៉ែត្រ និងទទឹង ២០ សង់ទីម៉ែត្រ។ ពីដំបូងទ្រនាប់ជើងនេះមានទម្ងន់ត្រឹមតែ ៧០ គីឡូក្រោមតែប៉ុណ្ណោះ បន្ទាប់ពីការសាកល្បងរួចមកឃើញថាវាមានភាពងាយស្រួល លោក Shang ក៏បានប្តេជ្ញាចិត្តដើម្បីកំណត់គោលដៅសារជាថ្មី។ ពេលនេះទ្រនាប់ជើងរបស់គាត់មានកម្ពស់ ៤០ សង់ទីម៉ែត្រ និងទម្ងន់ ៤០៥ គីឡូក្រោម ប្រហែលជាស្មើ៧ដងនៃទម្ងង់រាងកាយរបស់គាត់។ លោក Zhang បាននិយាយថាជារៀងរាល់ព្រឹកគាត់ហាត់ដើរ ២០ នាទី ហើយក្រោយពីបានហាត់ដើរយ៉ាងស្ទាត់ជំនាញរួចមកគាត់បានរៀបចំផែនការដើម្បីឲ្យអង្គការពិភពលោកបានដឹងនឹងជាប់នៅក្នុងកំណត់ត្រាពិភពលោក៕
ព័ត៌មានជាតិ
មតិយោបល់