ក្រុមហ៊ុនផលិតដែកថែបឈានមុខគេទីពីររបស់ជប៉ុន JFE Steel Corp រំពឹងថា រោងចក្រដែកថែបបន្ទះតម្លៃ ៣០០លានដុល្លារអាមេរិករបស់ខ្លួននៅថៃនឹង ដំណើរការសមត្ថភាពពេញលេញនៅត្រីមាសទីបួននៅឆ្នាំ ២០១៤។
យោងតាមសារព័ត៌មាន Bloomberg បានឲ្យដឹងថា លោក Eiji Hayashida ប្រធានប្រតិបត្តិបាននិយាយនៅក្នុងការបើកដំណើរការក្រុមហ៊ុនបុត្រសម្ព័ន្ធ JFE Steel Galvanising (ប្រទេស ថៃ) (JSG) កាលពីថ្មីៗនេះ បាននិយាយថា៖ “រោងចក្រនៅក្នុងប្រទេស ឥណ្ឌូនេស៊ី ភាគច្រើននឹងបម្រើទីផ្សារក្នុងស្រុក”។
លោក Hayashida បានបន្តទៀតថា រោងចក្រថៃនៅតែអាចរកបានទីតាំងសម្រាប់ការពង្រីកនាពេលអនាគត។ “តម្រូវការទីផ្សារនៅក្នុងឧស្សាហកម្មរថយន្តកំពុងកើនឡើង ខ្លាំងមិនធ្លាប់មានពីមុនមក។ សហគមន៍សេដ្ឋកិច្ចអាស៊ាននឹងជំរុញកំណើនតម្រូវការនៅពេលអនាគត”។ នេះជាសំដីដែលបានបានបញ្ជាក់បន្ថែម។
លោក Yoshiyuki Morita នាយកគ្រប់គ្រងរបស់ JSG បាននិយាយថា រោងចក្រនេះត្រូវបានគេរំពឹងថានឹងសម្រេចបានសមត្ថភាពអតិបរមា នៅត្រីមាសទី ៤ ឆ្នាំ ២០១៤ ដោយមិនមានការនាំចេញផ្ទាល់នោះទេ៕
មតិយោបល់