ក្រុមហ៊ុនផលិតរថយន្ត General Motors (GM) ដែលតែងតែនិយាយជាប់មាត់ថា ចិនថាជាទីផ្សារធំបំផុតរបស់ខ្លួន នឹងបើកការិយាល័យកណ្ដាលថ្មីមួយនៅប្រទេសសិង្ហបុរី ដើម្បីជំរុញទីផ្សារនៅតំបន់អាស៊ីអាគ្នេយ៍ និងឥណ្ឌា។
ក្រុមហ៊ុន GM បាននិយាយនៅក្នុងសេចក្ដីប្រកាសព័ត៌មានថា ការិយាល័យថ្មីនេះ នឹងបើកដំណើរការនៅត្រីមាសទី២ឆ្នាំ ២០១៤ ដោយក្រុមហ៊ុនបានចាត់តាំងលោក Stefan Jacoby ជាអនុប្រធានប្រតិបត្តិ ដើម្បីត្រួតពិនិត្យមើលបុគ្គលិក ដែលមានចំនួនប្រហែលជា ១២០នាក់។
នៅពីឆ្នាំ ១៩៩៤ ក្រុមហ៊ុនផលិតរថយន្តមួយនេះ បានឈានជើងចូលប្រទេសឥណ្ឌា ហើយមានរោងចក្រ ២នៅក្នុងប្រទេសនេះ។
កាលពីឆ្នាំ២០១២ GM បានលក់រថយន្តចំនួន ២,៨៤ លានគ្រឿងនៅចិន ដែលបានធ្វើឲ្យប្រទេសនេះក្លាយជាទីផ្សារធំបំផុតរបស់ខ្លួនតែមួយគត់ ហើយរំពឹងថា នឹងចែកចាយរថយន្ត ៣ លានគ្រឿងនៅឆ្នាំនេះ៕
មតិយោបល់