ទីក្រុងមូស្គូ (18/11/13) ៖លោករដ្ឋមន្ត្រីក្រសួងការបរទេស Sergei Lavrov បាននិយាយកាលពីថ្ងៃច័ន្ទម្សិលមិញថាប្រទេសរូស្ស៊ីបានធ្វើលិខិតអញ្ជើញជាផ្លូវការមួយសម្រាប់មេដឹកនាំក្រុមប្រឆាំងនៅក្នុងប្រទេសស៊ីរីដើម្បីធ្វើដំណើរមកកាន់ទីក្រុងមូស្គូក្នុងគោលបំណងធ្វើការពិភាក្សាគ្នាមួយលើបញ្ហាសន្តិភាពក្នុងប្រទេសស៊ីរី។
មេដឹកនាំនៃក្រុមប្រឆាំងស៊ីរីដែលមានមូលដ្ឋានធំនៅទីក្រុងអ៊ីស្តង់ប៊ូលប្រទេសតួគីបានទទួលយកសំណើរក្នុងការធ្វើដំណើរមកកាន់ទីក្រុងមូស្គូហើយពួកគេកំពុងត្រៀមលក្ខណៈនៅក្នុងកិច្ចពិភាក្សាគ្នានេះដែរ។លោក Lavrov ក៏បាននិយាយផងដែរថាលោកអនុរដ្ឋមន្ត្រីក្រសួងការបរទេសរបស់រូស្ស៊ីនឹងជាអ្នកតំណាងក្នុងជំនួបជាមួយមេដឹកនាំក្រុមប្រឆាំងស៊ីរី។
ក្រុមសម្រុះសម្រួលរបស់ប្រទេសរូស្ស៊ីព្យាយាមបង្កើតឲ្យមានកិច្ចពិភាក្សាដោយឡែកមួយជាមួយនឹងស៊ីរីមុនពេលដែលកិច្ចប្រជុំរបស់ខ្លួនដែលរៀបចំដោយមានភាគីអាមេរិករូស្ស៊ីនិងស៊ីរីដែលនឹងធ្វើឡើងនៅចុងឆ្នាំនេះ៕
មតិយោបល់