កីឡាករ Shinji Kagawa បានបង្ហើបថា ជីវិតបាល់ទាត់នៅ Manchester United វាគឺមានភាពលំបាកជាពិសេស ប៉ុន្តែអ្នកលេងរូបនេះ បាននិយាយថា បេះដូងរបស់គាត់តែងតែនៅ Borussia Dortmund ។
កីឡាករជប៉ុន រូបនេះបានចូលរួមលេងឲ្យ Borussia Dortmund វិញ នៅថ្ងៃបន្ទាប់ផុតកំណត់នៃរដូវកាល ដោយមានអារម្មណ៍តានតឹង នៅ Old Traford ។
នៅលើទឹកដីអង់គ្លេស Shinji Kagawa ពេលលេងក្រោមការដឹកនាំរបស់ Sir Alex Ferguson គឺលេចធ្លោបំផុត តែគួរឲ្យសោកស្តាយ ក្រោយគ្រូបង្វឹកនេះចេញ ដោយចូលកាន់កាប់បន្ត David Moyes បង្ហាញខ្លួនលេងបាន ៣៨ ប្រកួត រកគ្រាប់បាល់បានតែ ៦ គ្រាប់តែប៉ុណ្ណោះសម្រាប់ឆ្នាំទី ២ របស់គាត់លេងនៅទីនេះ ។ តែសម្រាប់ពេលនេះវាខុសគ្នា កីឡាករវ័យ ២៥ឆ្នាំរូបនេះបានវិលត្រឡប់ទៅកាន់ Westfalenstadion ដោយរីករាយលេងក្រោមការដឹកនាំរបស់ គ្រូបង្វឹក Jurgen Klopp ។
ថ្លែងប្រាប់ទៅកាន់អ្នកសារព័ត៌មាន Shinji Kagawa និយាយថា “ច្បាស់ណាស់ មានតែក្លិបអាល្លឺម៉ង នេះតែមួយគត់ដែលខ្ញុំចង់វិលត្រឡប់មកវិញ ហើយការត្រឡប់នេះ គឺដើម្បីក្លិបមួយនេះ។ ទន្ទឹមជាមួយនឹងគ្នានេះ ខ្ញុំចង់ទទួលបានភាពជោគជ័យ ជាមួយនឹងក្លិបម្តងទៀត” ។
មតិយោបល់