ជប៉ុន៖ ក្រុមហ៊ុនផលិតរថយន្តជប៉ុន Toyota Motor បានឲ្យដឹងថា ប្រាក់ចំណេញសុទ្ធបានកើនឡើងរហូតដល់ ១០,១៤លានដុល្លារអាមេរិក នៅក្នុងរយៈពេល ៦ខែដំបូងនៃឆ្នាំ ២០១៣ ដោយគិតត្រឹមថ្ងៃទី៣០ខែកញ្ញាកន្លងទៅ។
កសែតធំមួយក្នុងចំណោមកាសែតជាតិធំៗទាំង ៥របស់ជប៉ុន Asahi Shimbun បានឲ្យដឹងថា ចំនួនប្រាក់ចំណេញសុទ្ធនេះបានកើនឡើង ៨២,៥ភាគរយ បើធៀបនឹងឆ្នាំកន្លងទៅ។ មូលហេតុដែលនាំឲ្យប្រាក់ចំណេញសុទ្ធរបស់ក្រុមហ៊ុនផលិតរថយន្តនេះកើនឡើង ដោយសារតែរូបិយប័ណ្ណប្រាក់យ៉េនធ្លាក់ចុះ និងទីផ្សារនៅអាមេរិកខាងជើងបានងើបឡើង។
ក្រុមហ៊ុនក៏បានឲ្យដឹងផងដែរថា នៅទីផ្សារអាមេរិកខាងជើង បរិមាណលក់រថយន្តសរុបមានចំនួន ១,២៩លានគ្រឿង ដោយកើនឡើង ៣៧.៣០០គ្រឿង។ ព្រមជាមួយគ្នានោះ Toyota ក៏បានព្យាករថា ប្រាក់ចំណូលសុទ្ធសរុបកើនឡើងដល់២៥ពាន់ពាន់លានយ៉េន៕
មតិយោបល់