ចិន៖ ចិនផលិតបានមាសចំនួន ៣០៧,៨តោននៅក្នុងរយៈពេល៩ខែដំបូងនៃឆ្នាំ ២០១៣ ដោយបានកើនឡើង ៦,៨ភាគរយ ស្មើនឹង ១៩,៦០តោន។ នេះបើយោងតាមសមាគមមាសចិនបានឲ្យដឹងនៅថ្ងៃពុធម្សិលមិញ។
យោងតាមទីភ្នាក់ងារសារព័ត៌មានចិន ស៊ិនហួ បានឲ្យដឹងថា ផលិតផលសរុបដែលបានមកពីការរុករករ៉ែមាសមានចំនួន ២៥៣,១៥តោន ដោយកើនឡើង ៤,៩ភាគរយ នៅសល់ ៥៤,៦៥តោនផ្សេងទៀតគឺបានមកពីសារធាតុរ៉ែផ្សេងៗដែលមិនមែនជាជាតិដែក។
ចិនគឺជាប្រទេសដែលផលិតមាសធំជាងគេនៅលើពិភពលោកចាប់តាំងពីឆ្នាំ ២០០៧ នៅពេលដែលប្រទេសមួយនេះផលិតចេញបានដែកចំនួន ២៧០,៤៩តោន ដែលមានតម្លៃ និងបានជំនួសប្រទេសអាហ្វ្រិកខាងជើង។
ក្រុមប្រឹក្សាភិបាលមាសពិភពលោកបានព្យាករថា ប្រទេសចិននឹងក្លាយជាប្រទេសដែលប្រើប្រាស់មាសច្រើនជាងប្រទេសឥណ្ឌានៅក្នុងឆ្នាំនេះ ដោយកាលពីឆ្នាំ ២០១២ ការប្រើប្រាស់មាសនៅក្នុងប្រទេសចិនមានចំនួន ៨៣២តោន ដោយបានកើនឡើង ៩,៣៥ភាគរយ៕
មតិយោបល់