ទីក្រុង Geneva(21/11/13) ៖ការពិភាក្សាគ្នាលើបញ្ហាអាវុធនុយក្លេអ៊ែររវាងសមាជិកអចិន្ត្រៃយ៍នៃក្រុមប្រឹក្សាសន្តសុខអង្គការសហប្រជាជាតិរួមទាំងអាល្លឺម៉ង់ជាមួយនឹងភាគីអ៊ីរ៉ង់បានបន្តអូសបន្លាយដល់ថ្ងៃទី 2 នៃកិច្ចពិភាក្សាដែលបានធ្វើឡើងតាំងតែពីថ្ងៃពុធ។
ប្រធានផ្នែកនយោបាយការបរទេសរបស់សហគមន៍អ៊ឺរ៉ុបលោក Catherine Ashton និងក៏ត្រូវជាអ្នកតំណាងឲ្យក្រុមប្រទេស P5+1 ដែលមានប្រទេសមហាអំណាចទាំង 5 ដូចជាអង់គ្លេសចិនបារាំងរូស្ស៊ីអាមេរិកនិងអាល្លឺម៉ង់បានបើកកិច្ចពិភាក្សាគ្នាជាមួយភាគីអ៊ីរ៉ង់ដែលមានលោក Mohammad Javad-Zarif តំណាងឲ្យក្រុមប្រតិភូ។
កិច្ចពិភាក្សាគ្នាសាជាថ្មីកាលពីថ្ងៃពុធនេះជាលើកទី 3 ហើយក្នុងរយៈពេលត្រឹមតែមួយខែចុងក្រោយនេះហើយនៅចាំបានថាកិច្ចប្រជុំចុងក្រោយបង្អស់ដែលបានធ្វើឡើងកាលពីថ្ងៃទី 7 វិច្ឆិកាថ្មីៗនេះបានបន្តការពិភាក្សាដោយគ្មានការព្រៀងទុកដូចគ្នាដល់ទៅ 3 ថ្ងៃដោយសារតែភាគីទាំងពីរមិនអាចសម្រេចទៅដល់កិច្ចព្រមព្រៀងគ្នាណាមួយឡើយ៕
មតិយោបល់