បើយោងតាមប្រភពព័ត៌មាន yourjewishnews បានឲ្យដឹងថាស្ត្រីម្នាក់ត្រូវបានចាប់ខ្លួន និងចោទប្រកាន់ពីបទមនុស្សឃាត បន្ទាប់ពីសម្លាប់បុរសម្នាក់ដោយសារតែ បុរសម្នាក់នោះថាជាស្រីមិនស្អាត។ ប៉ុន្តែឥឡូវនេះ Barbara Banks បានស្មគ្រ័ចិត្តសារភាពទោសកំហុសមួយចំនួននៃអំពើមនុស្សឃាតដោយខ្លួនឯងនៅតុលាការ ក្នុងរដ្ឋ Virginia ។
Barbara Banks បាននិយាយដោយផ្ទាល់ថានាងបានចាក់ Keon J. Robinson ឲ្យស្លាប់ពីព្រោះគាត់បានហៅនាងថាជាស្រីមិនស្អាត និងទះកំផ្លៀងនាងម្តងហើយ។ អ្នកទាំងពីរបានជួបគ្នាជាលើកដំបូងនៅពេលដែល Banks បានចាកចេញពីផ្ទះល្វែងរបស់មិត្តភក្តិនាងម្នាក់ទៀត ចាប់ពីពេលនោះមក Robinson បានជេរប្រមាថមើលងាយ នាងវាយដំលើរូបនាងថែមទៀត។ ដោយសារតែទ្រាំនិងពាក្យប្រមាថមិនបាន Backs បានយកកាំបិតចាក់ទៅលើដើមទ្រូងរបស់ Robinson តែម្តង បើទោះជាមុខរបួសមានជម្រៅតែមួយអ៊ីញ ប៉ុន្តែបានផ្តាច់សសៃឈាមដ៏សំខាន់របស់គាត់ ហើយធ្វើឲ្យស្លាប់ភ្លាមៗនៅនឹងកន្លែងកើតហេតុ។ Banks បានឆ្លើយប្រាប់ប៉ូលិសថា នេះជាការសងសឹកចំពោះទង្វើរបស់ Robinson ដែលបានធ្វើដាក់នាងកន្លងមក៕
មតិយោបល់