ឥណ្ឌា៖កំណើនសេដ្ឋកិច្ចរបស់ប្រទេសប្រើប្រាស់មាសច្រើនជាងគេ ឥណ្ឌា ប្រហែលជាមិនអាចកើនឡើងខ្ពស់ជាង ៥ភាគរយនោះទេ នៅក្នុងត្រីមាសទី៤ នៃឆ្នាំ ២០១៣នេះ បើទោះបីជាមានការខិតខំប្រឹងប្រែពីរដ្ឋាភិបាលក្នុងការបង្កើនវិនិយោគទុនក្ដី។
យោងតាមគេហទំព័រក្នុងស្រុកបានឲ្យដឹងថា ផលិតផលក្នុងស្រុកសរុបបានកើនឡើង ៤,៦ភាគរយ កាលពីត្រីមាសទី៣ ដោយគិតចាប់ពីខែកក្កដា ដល់ខេត្តកញ្ញា បើធៀបនឹងឆ្នាំមុន ។ ធនាគារក្នុងស្រុកបានព្យាករកាលពីសប្តាហ៍មុនថា កំណើនទំនងជាបន្តកើនឡើងទាំងត្រដាបត្រដួស ។ ចំណែកធនាគារកណ្តាលនឹងបង្កើនអត្រាការប្រាក់បន្ថែមទៀតហើយរដ្ឋាភិបាលប្រឈមមុខនឹងសម្ពាធក្នុងការទប់ស្កាត់ការចំណាយ និងកាត់បន្ថយឱនភាពថវិកា ។ ការនាំចេញបានបង្ហាញនូវសន្ទុះខ្លះបន្ទាប់ពីការធ្លាក់ថ្លៃនៃប្រាក់រូពី ។
រូបិយប័ណ្ណរូពី របស់ឥណ្ឌាបានធ្លាក់ថ្លៃប្រហែល ១១ភាគរយ កាលពីឆ្នាំមុន ហើយកាលពីថ្ងៃអង្គារម្សិលមិញនេះ បានកើនឡើង ០,១% ដល់ ៦២,៤០៥ រូពីក្នុងមួយដុល្លារងាមេរិក៕
មតិយោបល់