ឥណ្ឌា៖នៅមុននេះ មានព័ត៌មានចចាមអារ៉ាមថា ក្រុមហ៊ុន Apple បានបញ្ជាទៅកាន់ក្រុមហ៊ុនផ្គត់ផ្គង់របស់ខ្លួនឲ្យកាត់បន្ថយការផលិត iPhone 5C ព្រោះតែតម្រូវការទាប ហើយឲ្យបង្កើតការផលិត iPhone 5S វិញ។
គ្រប់គ្នាបានមើលឃើញថា ទីផ្សារ iPhone 5C ហាក់ដូចជាបរាជ័យ ខណៈពេលដែល Apple សាទរទៅលើភាគជោគជ័យនៃ iPhone 5S។ ប៉ុន្តែបើតាមការព័ត៌មានថ្មីចុងក្រោយបានបញ្ជាក់ថា iPhone 5C មិនអន់នោះទេនៅលើទីផ្សារប្រទេសឥណ្ឌា។
យោងតាមព័ត៌មានក្នុងស្រុកបានបញ្ជាក់ថា នៅពេលនេះ iPhone 5C លក់អស់ពីស្ដុក ពោលគឺលក់បានច្រើនជាង Galaxy S4 របស់ក្រុមហ៊ុន Samsung ថែមទៀត។ គ្រប់ហាងលក់រាយទាំងអស់នៅក្នុងប្រទេសឥណ្ឌាបានផ្ដល់ព័ត៌មានថា ពួកគេបានលក់ iPhone 5C អស់ពីស្ដុក បើទោះបីជាប្រើពេលវេលាយូរបន្ដិចក្ដី ខណៈពេលដែល Samsung Galaxy S4 នៅសល់ក្នុងស្ដុកនៅឡើយ។
គួរបញ្ជាក់ផងដែរថា របាយការណ៍ថ្មីនេះ មិនបានបញ្ជាក់ថា iPhone 5S និង iPhone 5C លក់បានប៉ុន្មានគ្រឿងនោះទេនៅក្នុងប្រទេសឥណ្ឌា៕
មតិយោបល់