ក្រុមហ៊ុនផលិតរថយន្តឈានមុខគេរបស់អាមេរិក Ford Motor Corporation (Ford)បាននិយាយកាលពីថ្ងៃអង្គារម្សិលមិញនេះថា ខ្លួនកំពុងតែប្រមូលរថយន្តចំនួន ២ប្រភេទនៃម៉ូដែល 2013 Ford Escape SUV នៅជុំវិញពិភពលោក ក្នុងការជួសជុលការលេចធ្លាយប្រេង ដែលអាចបង្កជាហានិភ័យ។ នេះបើយោងតាមសារព័ត៌មានក្នុងស្រុកបានចេញផ្សាយ។
ការប្រមូលរថយន្តនេះបានធ្វើឲ្យ Ford ជាប់នៅក្នុងកំណត់ត្រាអាក្រក់មួយជាពិសេសបានធ្វើឲ្យប៉ះពាល់ដល់ការលក់រថយន្តម៉ូដែល Escape ហើយនេះជាលើកទី៧ហើយ ចាប់តាំងពីម៉ូដែលនេះបានចេញលក់នៅឆ្នាំ ២០១២។
ក្រុមហ៊ុនបានឲ្យដឹងថា ម៉ូដែល Ford Escape SUV ស៊េរីឆ្នាំ ២០១៣ នឹងត្រូវប្រមូលច្រើនជាង ១៦១.០០០គ្រឿង ដើម្បីយកមកជួសជុល។
គួរបញ្ជាក់ផងដែរថា ការជួសជុលនេះ មិនត្រូវបានបញ្ជាក់ថា ខាងក្រុមហ៊ុនជាអ្នកចេញថ្លៃជួសជុល ឬម្ចាស់រថយន្តជាអ្នកចេញថ្លៃខ្លួននោះទេ ប៉ុន្តែបើស្ថានភាពនៃបញ្ហាគឺខាងក្រុមហ៊ុនជាអ្នកធានារ៉ាប់រង៕
មតិយោបល់