ក្រុមហ៊ុនផលិតរថយន្តស៊េរីទំនើបរបស់អាល្លឺម៉ង់ BMW នឹងចាប់ផ្ដើមដំឡើងម៉ូតូធំនៅក្នុងរោងចក្រ Rayong ក្នុងប្រទេសថៃនាត្រីមាសទី១ ដើមឆ្នាំ ២០១៤។
សារព័ត៌មានបាងកកប៉ុស្តិ៍បានចុះផ្សាយថា លោក Peter Guenther Wolf នាយកគ្រប់គ្រងការផលិតរបស់ក្រុមហ៊ុន BMW នៅថៃ និយាយថា BMW F800R ត្រូវបានបង្កើតឡើងជាម៉ូដែលដំបូងដែលត្រូវផលិតឡើងនៅរោងចក្ររបស់ BMW ក្នុងតំបន់សេដ្ឋកិច្ចពិសេស Amata City Industrial Estate ដោយមានការផលិតបានជាង ១០០គ្រឿងក្នុងមួយឆ្នាំ។
លោកបន្តថា “ការផលិតនៅទីនេះនឹងជួយកាត់បន្ថយតម្លៃលក់រាយសម្រាប់ម៉ូតូ BMW Motorrad ហើយចំនួននោះនឹងធ្វើឲ្យខ្លួនប្រកួតប្រជែងកាន់តែខ្លាំងនៅក្នុងទីផ្សារថៃ”។
ក្រុមហ៊ុន ចាំបាច់ត្រូវបង្កើនការលក់ម៉ូតូធំមានទំហំម៉ាស៊ីន ៦៥០ សេសេ និងលើសនេះ ខណៈការផលិតក្នុងស្រុកនឹងជួយកាត់បន្ថយពន្ធគយនាំចូលដែលពេលនេះមានរហូតដល់ ៦០ ភាគរយសម្រាប់គ្រឿងបន្លាស់។ នេះជាសម្ដីរបស់លោ Peter ៕
ព័ត៌មានជាតិ
មតិយោបល់