នៅមុននេះប្រមាណជា ៣ទៅ៤ខែ មានលេចឮព័ត៌មានថា ប្រទេសវៀតណាមនឹងចេញច្បាប់ថ្មីដោយរឹតបន្ដឹងទៅលើអ្នកលេងអ៊ីនធើណែតទាំងឡាយណាដែលរិះគន់រដ្ឋាភិបាល ប៉ុន្តែនៅពេលនេះ ទីភ្នាក់ងារព័ត៌មាន Reuters បានចុះផ្សាយថា ច្បាប់់នោះត្រូវបានអនុម័ត និងអនុវត្តន៍។
Reuters បានចុះផ្សាយថា អ្នកដែលប្រើប្រាស់បណ្ដាលសង្គម ឬប្រព័ន្ធអនឡាញបញ្ចេញមតិរិះគន់ចំៗមកលើរដ្ឋាភិបាលនឹងត្រូវពិន័យជាប្រាក់ចំនួន ១០០លានដុង (ប្រមាណជិត៥ពាន់ដុល្លារអាមេរិក) ដើម្បីជាការព្រមាន។
ច្បាប់នេះត្រូវបានចុះហត្ថលេខាដោយលោកនាយករដ្ឋមន្ត្រីវៀតណាម ង្វៀង តាន់ យុង និងបានអនុម័តឲ្យប្រើប្រាស់ជាផ្លូវការនៅក្នុងសប្ដាហ៍នេះ។
ច្បាប់នេះបានធ្វើឲ្យប្រជាជនជាច្រើនមានការមិនពេញចិត្ត ដោយបានលើកឡើងថា រដ្ឋាភិបាលវៀតណាមមិនបានផ្ដល់សិទ្ធិសេរីភាពក្នុងការបញ្ចេញមតិដល់ប្រជាជននោះទេ៕
មតិយោបល់