សាធារណរដ្ឋប្រជាមានិត ប្រជាធិបតេយ្យកូរ៉េ ( កូរ៉េខាងជើង ) បានប្រកាស កាលពីថ្ងៃចន្ទ លោក Jang Song – thaek ត្រូវជាឪពុកមារបស់មេដឹកនាំកូរ៉េខាងជើង លោកគីម ជុងអ៊ុន ត្រូវបានគេដកចេញពីតំណែងទាំងអស់ និងបណ្តេញចេញពីគណបក្សពលករកូរ៉េ ( WPK ) ពីបទ ប្រឆាំងបក្ស និងឧក្រិដ្ឋកម្ម។ នេះបើយោងតាមទីភ្នាក់ងារព័ត៌មានផ្លូវការ KCNA បានរាយការណ៍ ។
KCNA បាននិយាយថា ការិយាល័យនយោបាយនៃគណៈកម្មាធិការកណ្តាល នៃបក្សពលករកូរ៉េ ( WPK ) បានប្រារព្ធកិច្ចប្រជុំ និងបានអនុម័ត សេចក្តីសម្រេចមួយ កាលពីថ្ងៃអាទិត្យ នៃការបណ្ដេញ លោក Jang ពីបក្ស និងការដកហូតតំណែងទាំងអស់ ។
“គណបក្សរបស់យើង នឹងមិនលើកលែងទោសនរណាម្នាក់ ជំទាស់ទៅនឹងការដឹកនាំរបស់ខ្លួន និងរំលោភ លើផលប្រយោជន៍របស់រដ្ឋ និងប្រជាជននៅក្នុងការរំលោភលើគោលការណ៍នៃការបដិវត្តន៍ “។ នេះជាសម្ដីរបស់លោកគីម ជុង អ៊ុន។
គួរបញ្ជាក់ផងដែរថា លោក Jang ត្រូវបានគេដឹងជាមនុស្សតែម្នាក់គត់ដែលកាងអំណាចឲ្យ គីម ជុង អ៊ុន ហើយក៏ជាមនុស្សតែម្នាក់គត់ដែលជិតស្និទ្ធនឹង គីម ជុង អ៊ុន ជាគេផងដែរ៕
មតិយោបល់