ក្រសួងការបរទេស និងសហប្រតិបត្តិការអន្តរជាតិ នៅថ្ងៃទី០៩ខែធ្នូ កន្លងទៅបានចេញសេចក្ដីជូនដំណឹងមួយពាក់ព័ន្ធនឹងការលើកលែងទិដ្ឋាការរយៈពេលយូរសម្រាប់កម្ពុជា-ជប៉ុន។
រដ្ឋាភិបាលនៃប្រទេសកម្ពុជា និងជប៉ុន បានយល់ព្រមលើកិច្ចព្រមព្រៀងលើកលែកទិដ្ឋាការសម្រាប់ប្រជាជននៃប្រទេសទាំងពីរ ចំនួន ៣០ថ្ងៃដល់អ្នកកាន់លិខិតឆ្លងដែនការទូត និងផ្លូវការកម្ពុជា និងជប៉ុន។ ការលើកលែងទិដ្ឋាការនេះនឹងត្រូវប្រកាសក្នុងអំឡុងពេលកិច្ចប្រជុំកំពូលរំលឹកខួបអនុស្សាវរីយ៍អាស៊ាន-ជប៉ុន ដែលនឹងប្រព្រឹត្តទៅនៅថ្ងៃទី១៣ ដល់ថ្ងៃទី១៥ខែធ្នូ ឆ្នាំ ២០១៣ នៅក្នុងទីក្រុងតូក្យូ។
ក្នុងកិច្ចព្រមព្រៀង ក៏បានផ្ដល់នូវទិដ្ឋាការចេញ-ចូលចម្រើដងរយៈបេលវែង ពី១ឆ្នាំ ទៅ ៣ឆ្នាំ ដល់អ្នកកាន់លិខិតឆ្លងដែរធម្មតា នៃប្រទេសទាំងពីរ។
គួរបញ្ជាក់ផងដែរថា ការផ្ដល់ទិដ្ឋាការខាងនេះ នឹងត្រូវអនុវត្តន៍ចាប់ពីថ្ងៃទី១១ ខែធ្នូ ឆ្នាំ ២០១៣ នេះតទៅ៕
មតិយោបល់