ភ្នំពេញៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា កម្លាំងអធិការដ្ឋាននគរបាលខណ្ឌ៧មករា បានឃាត់ខ្លួនបុរសម្នាក់ ពីបទលួចមានស្ថានទំងន់ទោស (ម៉ាស៊ីនក្រឡុកកាហ្វេ និងម៉ានស៊ីនកិនកាហ្វេ) នៅចំណុចក្នុងតូបមុខផ្ទះលេខ២០Eo ផ្លូវ១៨២ ក្រុម១៨ ភូមិ៣ សង្កាត់បឹងព្រលិត ខណ្ឌ៧មកា វេលាម៉ោង0១និង០០នាទី ព្រឹកថ្ងៃទី២៣ ខែធ្នូ ឆ្នាំ២០២០ ។
ជនសង្ស័យឈ្មោះ ខៃ ហ៊យសេង ភេទប្រុស អាយុ៤០ឆ្នាំ ជនជាតិខ្មែរ មុខរបរ ដើររើសអេតចាយ ស្នាក់នៅក្នុងវត្តកោះ ដែលមានជនរងគ្រោះ ឈ្មោះ លី ហ្វារិត ភេទប្រុស អាយុ៣៦ឆ្នាំ ខ្មែរ ស្នាក់នៅ ផ្ទះលេខ ២០Eo ផ្លូវ១៨២ ក្រុម ១៨ភូមិ ៣ សង្កាត់បឹងព្រលិត ខណ្ឌ៧មករា (ជនសង្ស័យពិនិត្យទឹកនោមមានសារធាតុញៀន) វត្ថុតាងនិងសម្ភារៈចាប់យកពីជនសង្ស័យរួមមាន ៖ ម៉ាស៊ីនកិនកាហ្វេចំនួន១គ្រឿង, ម៉ាស៊ីនកាឡុកកាហ្វេ ចំនួន១គ្រឿង, ទូរស័ព្ទម៉ាកសាំសុង ចំនួន១គ្រឿងអត់ស៊ីម, ដែកកេះចំនួន១ ។
ចំពោះម៉ាស៊ីនកិនកាហ្វេ និងម៉ាស៊ីនក្រឡុកកាហ្វេ សមត្ថកិច្ច បានប្រគល់ជូនម្ចាស់វិញហើយ ។
បច្ចុប្បន្ន ជនសង្ស័យត្រូវបានឃាត់ខ្លួនបណ្តោះអាសន្ននៅអធិរដ្ឋាននគរបាល ខណ្ឌ៧មករា ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នុំពេញចាត់ការតាមនីតិវិធីច្បាប់ ៕
មតិយោបល់