ធនាគារអភិវឌ្ឍន៍អាស៊ី (ADB) បានកាត់បន្ថយការព្យាករកំណើនរបស់ខ្លួនសម្រាប់តំបន់អាស៊ីអាគ្នេយ៍ ដោយពេលមានការខូតខាតយ៉ាងច្រើន ដែលបង្កឡើងដោយព្យុះទីហ្វុង Haiyan នៅក្នុងប្រទេសហ្វីលីពីន កាលពីខែមុន។
របាយការណ៍ដែលចេញផ្សាយដោយធនាគារនៅថ្ងៃពុធក្នុងទីក្រុងម៉ានីល បានព្យាករថា កំណើននៅក្នុងបណ្ដាប្រទេសអាស៊ីអាគ្នេយ៍ រួមមានប្រទេសហ្វីលីពីន នឹងកើនឡើងដល់ ៤.៨ភាគរយ ដោយបានធ្លាក់ពីការព្យាករក្នុងខែតុលា ៤.៩ភាគរយ។
“ការពិនិត្យឡើងវិញនេះ បានឆ្លុះបញ្ចាំងពីភាពតានតឹងផ្នែកនយោបាយ នៅក្នុងប្រទេសថៃ នៅត្រីមាស ចុងក្រោយនៃ ឆ្នាំ ២០១៣ និងផលប៉ះពាល់អវិជ្ជមានរបស់ពួកគេលើការប្រើប្រាស់ និងការបំផ្លិចបំផ្លាញ វិស័យទេសចរណ៍។ សារព្យុះទីហ្វុង Haiyan ត្រូវបានធ្វើឲ្យខូចដល់ការរីកលូតលាស់របស់ប្រទេសហ្វីលីពីន ក្នុងឆ្នាំ ២០១៣ ទោះបីជាមាន ការខិតខំប្រឹងប្រែងផ្តល់ជំនួយសង្គ្រោះបន្ទាន់ និងការឧបត្ថម្ភ គាំទ្រដល់ពីបរទេសក្ដី”។ ធនាគារអភិវឌ្ឍន៍អាស៊ី បាននិយាយ។
ធនាគារអភិវឌ្ឍន៍អាស៊ី រំពឹងថា ការកសាងឡើងវិញ នឹងជួយជំរុញសកម្មភាពសេដ្ឋកិច្ច នៅក្នុងប្រទេសហ្វីលីពីន កើនឡើងក្នុងឆ្នាំ ២០១៤។ នៅក្នុងរបាយការណ៍ខែតុលា កំណើនផលិតផលក្នុងស្រុកសរុប របស់ប្រទេសហ្វីលីពីន ត្រូវបានព្យាករថា មាន ៧ភាគរយ នៅឆ្នាំ ២០១៣ និង ៦,១ភាគរយនៅឆ្នាំ ក្រោយ។សម្រាប់តំបន់ប្រទេសកំពុងអភិវឌ្ឍន៍ទាំងមូលនៅអាស៊ី ត្រូវបានធនាគារអភិវឌ្ឍន៍អាស៊ី រក្សាការព្យាករថា កើនឡើង ៦ភាគរយក្នុងឆ្នាំនេះ។
“បើទោះបីជា ភាពមិនប្រាកដប្រជា នៅក្នុងបរិស្ថានសេដ្ឋកិច្ចពិភពលោក កំពុងអភិវឌ្ឍនៅអាស៊ី នៅតែ ធន់ធ្ងរ។ តំបន់នេះ បានអនុវត្តន៍ យ៉ាងល្អនៅក្នុង ឆ្នាំ ២០១៣ ហើយ ឥឡូវនេះគឺទំនងទទួលបានផលប្រយោជន៍ពីសញ្ញាបន្ថែមទៀតនៃសន្ទុះកំណើនសេដ្ឋកិច្ចនៅក្នុងប្រទេសមានសេដ្ឋកិច្ចកម្រិតខ្ពស់” នេះបើយោងតាមសំដីរបស់ លោក Changyong Rhee ប្រធានសេដ្ឋកិច្ចធនាគារអភវិឌ្ឍន៍អាស៊ី។
ប្រទេសដែលមានកម្រិតសេដ្ឋកិច្ចខ្ពស់ សហរដ្ឋអាមេរិក សហភាពអឺរ៉ុប និងជប៉ុន ការព្យាករនៅក្នុងខែតុលា មានកំណើន ០,៩ភាគរយក្នុងឆ្នាំនេះ។ ធនាគារអភិវឌ្ឍន៍អាស៊ីបានរំពឹងកើនឡើង ១,៩ភាគរយនៃកំណើនសេដ្ឋកិច្ចក្នុងឆ្នាំ ២០១៤។
ចិនត្រូវបានគេស្គាល់ថាជាប្រទេសដែលមានសេដ្ឋកិច្ចរីកចម្រើនធំលំដាប់ទី២ នឹងកើនឡើងពី ០,១ភាគរយទៅ ៧,៧ភាគរយ ក្នុងឆ្នាំ ២០១៣ នឹងកើនឡើងដល់ ៧,៥ភាគរយនៅក្នុងឆ្នាំ ២០១៤។ សម្រាប់អាស៊ីបូព៌ា ធនាគារអភិវឌ្ឍន៍អាស៊ីមើលឃើញ ការកើនឡើង ០,១ភាគរយ ទៅ ៦,៧ភាគរយ ឆ្នាំ ២០១៣ និងឆ្នាំ ២០១៤៕
មតិយោបល់