ចិន៖ ក្រុមហ៊ុនផលិតរថយន្តជប៉ុន Nissan នឹងធ្វើការប្រមូលរថយន្តចំនួន ២.៨៥៥ គ្រឿងក្នុងប្រទេសចិន ជាប្រភេទរថយន្តស៊េរីទំនើបដែលស្ថិតនៅក្នុងត្រកូល Infiniti ហើយការប្រមូលនេះនឹងចាប់ផ្ដើមនៅថ្ងៃទី២៤ខែវិច្ឆិកា ឆ្នាំ ២០១៣។ នេះបើយោងតាមសំដីរបស់ក្រុមអ្នកឃ្លាំមើលគុណភាពរថយន្តរបស់ចិន បានបង្ហាញឲ្យដឹងកាលពីថ្ងៃព្រហស្បតិ៍។
នៅក្នុងសេចក្ដីថ្លែងការណ៍មួយរបស់អគ្គរដ្ឋាបាលត្រួតពិនិត្យគុណភាព និងអធិការកិច្ច បាននិយាយថា រថយន្តដែលត្រូវប្រមូលនោះមាន Infiniti M25L និង M35L ជារថយន្តប្រភេទបួនកៅអី ដែលផលិតឡើងនៅចន្លោះខែមករា ឆ្នាំ ២០១២ ដល់ ខែតុលាឆ្នាំ ២០១៣។
យោងតាមប្រភពខាងលើ រថយន្តដែលត្រូវប្រមូលនោះ មានបញ្ហាទៅលើសោទ្វារខាងក្រៅ ដែលអាចបង្កជាគ្រោះថ្នាក់បាន ប៉ុន្តែវាមិនអាចបង្កឲ្យមានគ្រោះថ្នាក់ចរាចរណ៍នោះទេ។
សម្រាប់ការប្រមូលនេះ ក្រុមហ៊ុន Nissan នៅក្នុងប្រទេសចិន នឹងធ្វើការជួសជុលទៅលើបញ្ហានេះដោយមិនគិតថ្លៃពីម្ចាស់រថយន្ត៕
មតិយោបល់