ចិន៖លោកឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស ហោ ណាំហុង នឹងធ្វើដំណើរទស្សនកិច្ចក្នុងប្រទេសចិនតបតាមការអញ្ជើញរបស់ លោក យ៉ាង ជាឈិ រដ្ឋមន្ត្រីការបរទេសចិន។ នេះបើយោងតាមការឲ្យដឹងពីអ្នកនាំពាក្យនៅថ្ងៃអាទិត្យម្សិលមិញ។
លោក ហោ ណាំហុង និងលោក យ៉ាង នឹងជួបពិភាក្សាគ្នាក្នុងកិច្ចប្រជុំលើកដំបូងនៃគណៈកម្មាធិការសម្របសម្រួលអន្តររដ្ឋាភិបាលរវាងប្រទេសចិន និងប្រទេសកម្ពុជានាទីក្រុងប៉េកាំង។
លោកប្រធានាធិបតីចិន ស៊ី ជិនពីង បានជួបជាមួយនឹងនាយករដ្ឋមន្ត្រីនៃកម្ពុជាសម្ដេចហ៊ុន សែន ក្រៅផ្លូវការនៅក្នុងវេទិកា Boao Forum of Asia Annul Conference កាលពីខែមេសា ដែលភាគីទាំងពីរបានសម្រេចបង្កើតគណៈកម្មាធិការសម្របសម្រួលអន្តររដ្ឋាភិបាលមួយដើម្បីអនុវត្តន៍ផែនការសកម្មភាពស្ដីពីភាពជាដៃគូយុទ្ធសាស្ត្រ “ដ៏ទូលំទូលាយ” រវាងកម្ពុជា និងចិន និងជំរុញឲ្យកិច្ចសហប្រតិបត្តិការទ្វេភាគីឆ្ពោះទៅមុខលើគ្រប់វិស័យ៕
មតិយោបល់