មូលដ្ឋានទ័ពចុងក្រោយរបស់ប្រទេសអូស្ត្រាលីប្រចាំនៅតំបន់ Tarin Kot ប្រទេសអាហ្គានីស្ថានចាប់តាំងតែពីឆ្នាំ ២០០៥ ត្រូវបានបិទជាផ្លូវការហើយនៅពេលដែលក្រុមទាហានជាច្រើនបានបញ្ជូនទៅដល់ពាក់កណ្តាលផ្លូវវិញផងដែរ។
លោកនាយករដ្ឋមន្ត្រីអូស្ត្រាលី Tony Abbott បានចំណាយថវិកាជាច្រើនក្នុងការចំណាយទៅលើការដាក់មូលដ្ឋានទ័ពមួយនេះ ហើយលោកបានបន្ថែមទៀតថាប្រាកដណាស់ការដែលចំណាយច្រើនបំផុតគឺជាការចំណាយទៅលើទាហានដែលបានស្លាប់បាត់បង់ជីវិត ៤០នាក់ និងរបួសធ្ងន់ធ្ងរដល់ទៅ ២៦១នាក់នោះ។ នៅក្នុងសេចក្តីប្រកាសមួយរបស់ក្រសួងការពារជាតិអូស្ត្រាលីបាននិយាយថា ចាប់ពីឆ្នាំ២០១៤ទៅទាហានខ្លួននឹងដាក់បន្តឲ្យនៅសល់ត្រឹមតែ ៤០០នាក់ដែលពួកគេនឹងក្លាយជាក្រុមប្រឹក្សាយោបល់សម្រាប់វិស័យយោធាប៉ុណ្ណោះសម្រាប់កងទ័ពអាហ្គានីស្ថាន ហើយគួរបញ្ជាក់ផងដែរថាសេចក្តីប្រកាសក៏បាននិយាយពីផែនការបញ្ចប់ និងបិទមូលដ្ឋានទ័ព Tarin Kot នៅត្រឹមចុងឆ្នាំ ២០១៣នេះដែរ។
រីឯកងទ័ពអន្តរជាតិរបស់ប្រទេសផ្សេងៗទៀតក៏នឹងសន្យាដកទ័ពរបស់ខ្លួនឲ្យអស់ត្រឹមចុងឆ្នាំ ២០១៤ខាងមុខនេះដែរ៕
មតិយោបល់