ទីក្រុងសាន់តាហ្គូ (15/12/13)៖ អតីតប្រធានាធិតីឈីលីអ្នកស្រី Michelle Bachelet ត្រូវបានប្រកាសថាបានឈ្នះការបោះឆ្នោតជាបេក្ខភាពប្រធានាធិបតីជុំទី២ កាលពីថ្ងៃអាទិត្យម្សិលមិញនេះ ជាផ្លូវការតាមរយៈចំនួនឆ្នោតដែលបានមកពីប្រព័ន្ធអេឡិចត្រូនិក មានចំនួនដល់ទៅ ៦២ភាគរយ ទល់នឹង ៣៨ភាគរយនៃគូប្រកួតប្រជែងខាងគណបក្សអភិរក្សរបស់អ្នកស្រី Evelyn Matthei។
អ្នកស្រី Bachelet ប្រមូលបានសំឡេងឆ្នោតដល់ទៅជិត ៣,៥លាននាក់ នៅពេលដែលគណបក្សគូប្រជែងមានតែត្រឹមជាង ២លាននាក់ប៉ុណ្ណោះ។ អ្នកស្រី Bachelet បានបំបែកកំណត់ត្រាថ្មីជាប្រធានាធិតីស្ត្រីដែលបានជាប់ឈ្មោះជាប្រធានាធិបតីដល់ទៅ ២ដងដែលលើកទី១ ក្នុងកំឡុងឆ្នាំ២០០៦ ដល់២០១០ និងសារជាថ្មីនៅអាណត្តិនេះ។ អ្នកស្រី Bachelet កើតនៅថ្ងៃទី២៩ ខែកញ្ញា ១៩៥១ មានបុត្របីនាក់ហើយអ្នកស្រីធា្លប់បានទៅសិក្សានៅប្រទេសអាល្លឺម៉ង់ និងសាកលវិទ្យាល័យក្នុងស្រុកផងដែរ។
អ្នកស្រី Bachelet ជាប់ឈ្មោះជាប្រធានាធិតីជាលើកតំបូងនៅក្នុងអាណត្តិពីថ្ងៃទី១១ ខែមិនា ឆ្នាំ២០០៦ដល់ថ្ងៃទី ១១ខែមិនា ឆ្នាំ២០១០បន្ទាប់មកអ្នកស្រីបានត្រឡប់ទៅធ្វើការអង្គការសហប្រជាជាតិរហូតមកទល់ឆ្នាំ២០១៣ ក៏សម្រេចចិត្តឈរឈ្មោះក្នុងការបោះឆ្នោតជ្រើសរើសប្រធានាធិតីសាជាថ្មី៕
មតិយោបល់