ប្រទេសឡាវ និងវៀតណាម នឹងព្យាយាមឲ្យកើនឡើងដល់ ២០ភាគរយនៃពាណិជ្ជកម្មទ្វេភាគី បន្ទាប់ពីមន្ត្រីជាន់ខ្ពស់នៃគណៈកម្មការវៀតណាម-ឡាវ និងឡាវ-វៀតណាមបានជួបប្រជុំគ្នានៅក្នុងទីក្រុងវៀងចន្ទប្រទេសឡាវ។ នេះបើយោងតាមកាសែតវៀងចន្ទថាម ចុះផ្សាយនៅថ្ងៃអង្គារម្សិលមិញ។
នៅក្នុងជំនួបប្រជុំរយៈពេល ២ថ្ងៃ មន្ត្រីរបស់ប្រទេសទាំងពីរបានឈានដល់ការមូលមតិគ្នាអំពីគោលដៅដំណើនមួយ និងបាននិភាក្សាពីវិធានការដែលនឹងធ្វើសកម្មភាពដើម្បីជំរុញឲ្យមានកំណើនពាណិជ្ជកម្ម។
ពាណិជ្ជកម្មទ្វេភាគីរវាងប្រទេសឡាវ និងប្រទេសវៀតណាម នៅក្នុងរយៈពេល ១០ខែដំបូងនៃឆ្នាំ ២០១៣ បានកើនឡើងដល់ ៨១៧លានដុល្លារអាមេរិក គឺបានកើនឡើង ១៣ភាគរយបើធៀបនឹងឆ្នាំមុន។ លើសពីនេះទៀត អាជីវកម្មវៀតណាម បានបណ្ដាក់ទុនទៅលើគម្រោងប្រមាណជាង ៤១២ ដែលគិតជាទឹកប្រាក់មានចំនួនសរុប ៥ពាន់លានដុល្លារអាមេរិក ហើយវៀតណាមគឺជាវិនិយោគទុនបរទេសធំលំដាប់ទី២របស់ឡាវ។
រដ្ឋាភិបាលនៃប្រទេសឡាវបានអនុម័តគម្រោងចំនួន ១២ ដែលជាវិនិយោគដោយវៀតណាម ក្នុងនោះរួមបញ្ចូលវិស័យធនាគារ រ៉ែ និងកសិកម្ម។
កិច្ចប្រជុំនេះ ក៏បានដោះស្រាយវិធានការទាក់ទងនឹងការវិនិយោគនៅក្នុងប្រទេសឡាវយ៉ាងមានប្រសិទ្ធភាព បន្ទាប់ពីគម្រោងមួយចំនួនត្រូវបានអនុម័តពីរដ្ឋាភិបាលឡាវ៕
មតិយោបល់