តាមប្រភពព័ត៌មានបរទេសនានាបានឲ្យដឹងថា នៅតាមដងផ្លូវនៃទីក្រុងទូសាកាមានទូទូរស័ព្ទដែលអសកម្មជាយូរណាស់មកហើយត្រូវបានគេដំឡើងធ្វើជាអាងចិញ្ចឹមត្រី។ ទូចាស់មួយនេះត្រូវស្ថាបត្យករធ្វើការជួសជុលឡើងវិញ និងមានការរចនាថ្មីដែលប្រែក្លាយពីរបស់ដែលគ្មានប្រយោជន៍ទៅជាសិល្បៈដ៏រស់រវើក។ គំនិតច្នៃប្រឌិតដ៏ប៉ិនប្រសបក្នុងការបង្កើតអាងចិញ្ចឹមត្រីមាសនេះ បានទាក់ទាញមនុស្សជាច្រើនឲ្យទៅលេងទីនោះ។ វាដូចជាការរំលឹកឡើងវិញនៃពិធីបុណ្យនៅក្នុងរដូវក្តៅ ល្បែងលេងរបស់កុមារ និងទំនៀមទំលាប់នៃប្រជាជនជប៉ុន ដោយសារតែត្រីពណ៌មាសត្រូវបានគេមើលឃើញថាជានិម្មិតរូបនៃសំណាង និងសុភមង្គលនៅក្នុងប្រពៃណីរបស់ពួកគេ៕
មតិយោបល់