អេស្ប៉ាញ៖ប្រភពព័ត៌មានកីឡាកររបស់ Skyspot បានចុះផ្សាយឲ្យដឹងថា កីឡាករ Lionel Messi កំពុងមានភាពល្អប្រសើរវិញ ជាមួយនឹងការងើបឡើងវិញ ពីរបួសសរសៃពួរគន្លាក់ជើង ។ នេះបើតាមសេចក្តីប្រកាសរបស់ក្លិប Bacelona ។
កីឡាករសញ្ជាតិអាហ្សង់ទីនេះ ជាមួយនឹងរបួសនេះ ដែរបានធ្វើឲ្យខ្លួនចាកចេញពីទីលាន ជាង ១ ខែ។ លោក Richard Pruna គ្រូពេទ្យរបស់ក្លិប បានធ្វើដំណើរទៅកាន់ប្រទេសអាហ្សង់ទីន ដើម្បីពិនិត្យជំងឺ និងការងើបឡើងវិញ ពីរបួស របស់តារាបាល់ទាត់រូបនេះ។
លោក Richard Pruna បានឲ្យដឹងថា ជាមួយនឹងការពិនិត្យកាលពីថ្ងៃពុធ កន្លងទៅ នេះ ឃើញថា របួសកីឡាកររូបនេះបានជាសះស្បើយវិញហើយ។
បញ្ហារបួសនេះដែរ ខណៈដែលកីឡាករ Lionel Messi ជួបការប្រកួតជាមួយនឹងក្លិប Real Betis កាលពីថ្ងៃទី ១០ ខែវិច្ឆិកា ។តាំងពីរងរបួសមក កីឡាករសញ្ជាតិអាហ្សង់ទីនរូបនេះ មិនបានបង្ហាញវត្តមានទីលាន រហូតដល់ទៅ ៧ ប្រកួត។
សម្រាប់ក្លិប Bacelona នៅតែបន្តតារាងកំពូល ស្ថិតនៅក្នុងក្របខណ្ឌ Champions League ហើយវគ្គ ១៦ ចុងក្រោយ ក្លិបនេះ ត្រូវជួប Atletico និង Manchester City ។ ជាមួយនឹងជំនួបជើងនេះដែរ ក៏អាចនឹងមានវត្តមានកីឡាករ ដែលងើបពីរបួសផងដែរ៕
មតិយោបល់