អាល្លឺម៉ង់៖ក្នុងក្របខណ្ឌ របស់អាល្លឺម៉ង់ កាលពីរាត្រីថ្ងៃទី ២១ ខែ ធ្នូ ម្សិលមិញនេះដែរ ក្លិប Borussia Dortmund ដែលជាម្ចាស់ផ្ទះបានរងការបំបាក់ពីក្លិប Hertha Berlin ដោយលទ្ធផល ១-២ ដែលជាលទ្ធផលមួយដ៏អាម៉ាស សម្រាប់ក្លិបដែលស្ថិតនៅលំដាប់លេខរៀងទី ៣ ក្នុងក្របខណ្ឌ German Bundesliga ។
បើទោះបីជាកីឡាករ Marco Reus របស់ Borussia Dortmund បានរកគ្រាប់បាល់នៅដើមតង់ទី ១ នោះគឺនៅនាទី ទី ៧ តែសម្រាប់ Hertha Berlin មិនបានព្រឺរោមនោះទេ ដោយនៅនាទី ២៣ កីឡាករ Ramos បានស្វែងគ្រាប់បាល់សងវិញ ជួយឲ្យ Hertha Berlin តាមស្មើវិញ ។ នៅនាទី ៤៥ កីឡាករ Allagui របស់ Hertha Berlin បានបំប៉ោងសំណាញ់ ក្លិបលំដាប់ទី ៣ នៃតារាង មួយគ្រាប់ទៀត ដែលធ្វើឲ្យជ័យជម្នះបណ្តោះអសន្ន ២-១ ។
នៅតង់ទី ២ បើទោះបីជា Borussia Dortmund មានឱកាសតែធ្វើមិនបានសម្រេចឡើយ ដោយចាញ់ទាំងស្ពឹកមុខ ដោយលទ្ធផល ២-១ ។
បញ្ជាក់ផងដែរថា Borussia Dortmund ស្ថិតនៅលំដាប់ទី ៣ នៃតារាង មាន ៣២ ពិន្ទុ ក្នុងចំណោម ១៧ ប្រកួត ដោយតាមពីក្រោយក្លិប Bayer Leverkusen មាន ៣៧ ពិន្ទុ ខណៈដែលក្លិបកំពូលតារាង Bayern Munich ស្ថិតនៅលេខរៀងទី ១ នោះមាន ៤៤ពិន្ទុ ស្ថិតក្នុង ១៦ ប្រកួត៕
មតិយោបល់