អង់គ្លេស៖ជាមួយនឹងលទ្ធផល ៣-១ កាលពីរាត្រីថ្ងៃទី ២១ ខែធ្នូ ឆ្នាំ ២០១៣ របសហង្សក្រហម បំបាក់ក្លិប West Ham United បានធ្វើឲ្យអតីតអ្នកចាត់ការទូទៅ លោក Sir Alex Ferguson រីកមុខដូចគ្រាប់ជី ជួសលោក David Moyes ដែលកំពុងតែអរបុកពោះ ខណៈដែលប៉ុន្មានប្រកួតចុងក្រោយឈ្នះរហូត មិនថា ក្រៅទឹកដី ឬក្នុងទឹកឡើយ។
ក្នុងការប្រកួតយប់មិញនេះដែរ នៅពហុកីឡដ្ឋាន Old Trafford បានចាប់រូបភាពអរហើបគូថពីកៅអី អតីតអ្នកចាត់ការទូទៅ លោក Sir Alex Ferguson ខណៈដែល Moyes កំពុងមានមោនៈភាពដឹកនាំក្រុម ។
ដោយឡែកអ្វីដែលចម្លែកសម្រាប់រាត្រីយប់មិញនេះដែរ គេសង្កេតឃើញថា កីឡាករ Rooney គឺជាគន្លឹះដ៏សំខាន់សម្រាប់បញ្ជូនបាល់ទៅឲ្យ មិត្តរួមក្រុមវិញ ។
Adnan Januzaj កីឡាករវ័យ ១៨ ឆ្នាំ របស់បិសាចក្រហម គ្រាន់តែឡើងមកកាន់ក្របខណ្ឌធំភ្លែត បានរំអុកចិត្តអ្នកគាំទ្រ ឲ្យមានក្តីសង្ឈឹម ដោយកីឡាកររូបនេះតែងតែធ្វើឲ្យ រឿងដ៏អស្ចារ្យជូនក្លិបជានិច្ច នោះគឺការស្វែងរកគ្រាប់បាល់ និងបញ្ចូនបាល់យ៉ាងល្អ ទៅដៃគូ ។ ក្រៅ ពី Adnan Januzaj គ្រាប់បាល់ ២ គ្រាប់ទៀតរកបានដោយកីឡាករ Danny Welbec ដែលជាគ្រាប់បាល់ដំបូង និង គ្រាប់បាល់ទី ៣ ដោយ Ashley Young ។
លទ្ធផលនេះ បានធ្វើឲ្យបិសាចក្រហមរំកិលទៅ កាន់លេខ ៧ នៃតារាងជាបណ្តោះអាសន្ន ដោយមាន ២៨ ពិន្ទុ ក្នុងចំណោម ១៧ ប្រកួតនេះ៕
មតិយោបល់