តាមប្រភពព័ត៌មាន yourjewishnews បានឲ្យដឹងថា គ្រូបង្រៀនរបាំបាឡេម្នាក់ឈ្មោះ Mary Helen Bowers វ័យ ៣៤ ឆ្នាំរស់នៅទីក្រុងញូវយ៉កបានសម្រេចចិត្តសម្តែងរបាំបាឡេជាបន្តទៀតបើទោះជាមានផ្ទៃពោះជិតដល់ថ្ងៃកើតហើយក្តី។
Bower ជាម្ចាស់នៃរបាំបាឡេដ៏ស្រស់ស្អាតបាននិយាយថាការរាំរបាំបាឡេរបស់នាងធ្វើឲ្យមានផលល្អដល់ស្ត្រីមានផ្ទៃពោះ ដូច្នេះហើយនាងបានធ្វើការសាកល្បង និងធ្វើជាគំរូសម្រាប់អ្នកមានផ្ទៃពោះដទៃទៀត។ ហើយនាងបានបន្តទៀតថាការរាំរបាំនេះអាចជួយឲ្យរាងកាយរបស់នាងមានភាពរឹងមាំ និងជៀសផុតពីផលប៉ះពាល់មិនល្អមួយចំនួនក្នុងពេលមានផ្ទៃពោះ។ ដោយសារតែការសាកល្បងមានផលល្អទើបធ្វើឲ្យនាងសម្រេចចិត្តបន្តសកម្មភាពនេះរហូតដល់នាងសម្រាលកូន។ សូមបញ្ជាក់ផងដែរថាមុនពេលដែលនាងសម្រេចចិត្តបន្តរាំរបាំបាឡេនេះ នាងបានទៅពិគ្រោះយោបល់ជាមួយនឹងលោកវេជ្ជបណ្ឌិតរួចទៅហើយ៕
មតិយោបល់