លោក Mikhail Kalashnikov អ្នករចនាម៉ូដកាំភ្លើង AK-47 ដ៏ល្បីរបស់រុស្ស៊ីបានទទួលមរណៈភាពកាលពីថ្ងៃចន្ទម្សិលមិញនេះ ក្នុងអាយុ ៩៤ឆ្នាំ។
សារព័ត៌មានក្នុងស្រុកបានរាយការណ៍មកថា លោក Mikhail Kalashnikov បានទទួលមរណៈភាពក្នុងនៅក្នុងគេហដ្ឋានរបស់លោក ក្នុងទីក្រុង Izhevsk ចម្ងាយប្រមាណជា ១.៣០០គីឡូម៉ែត្រពីទីក្រុងម៉ូស្គូ បន្ទាប់ពីលោកមានជំងឺរ៉ាំរៃ។
កាលពីពាក់កណ្ដាលខែវិច្ឆិកា កន្លងទៅ លោកត្រូវបានគេបញ្ជូនទៅកាន់មន្ទីរថែទាំដើម្បីពិនិត្យជំងឺ ព្រោះថាស្ថានភាពហាក់ដូចជាធ្ងន់ធ្ងរ។
សារព័ត៌មានក្នុងស្រុកបានឲ្យដឹងថា កាំភ្លើង AK-47 របស់រុស្ស៊ីនេះ ត្រូវបានប្រើប្រាស់នៅក្នុងប្រទេសប្រមាណជាង ១០០នៅលើពិភពលោក។ នៅពេលដំណើរទស្សនៈកិច្ចក្នុងប្រទេសអាល្លឺម៉ង់លោក Mikhail Kalashnikov បាននិយាយថា លោកមានមោទនភាពខ្លាំងណាស់ដែលកាំភ្លើងរបស់លោកមានការពេញនិយម ប៉ុន្តែលោកខកចិត្តយ៉ាងខ្លាំងដោយសារតែភាគច្រើនត្រូវបានពួកភារវករជាអ្នកប្រើ៕
មតិយោបល់