ថ្មីៗនេះរដ្ឋាភិបាលនៅប្រទេសដែនកោះមួយដែលស្ថិតនៅក្នុងភាពជាសមាជិកនៃសហគមន៍អ៊ឺរ៉ុបបានប្រកាសលក់សញ្ជាតិទៅដល់ជនបរទេសដែលមានលទ្ធភាពក្នុងការបង់ប្រាក់ចំនួន 880,000 ដុលា្លរអាមេរិក។ប្រទេស Malta ជាប្រទេសដែនកោះមួយហើយក៏ជាសមាជិកនៃសហគមន៍អ៊ឺរ៉ុបផងដែរ។
នៅពេលប្រទេសនេះនិងសហភាពអ៊ឺរ៉ុបត្រូវបានរងការតិះតៀនកាន់តែច្រើនឡើងនៅក្រោយការប្រកាសលក់សញ្ជាតិបែបនេះរដ្ឋាភិបាលប្រទេសMalta បានផ្អាកជាបណ្តោះអាសន្ននូវការអនុវត្តច្បាប់ទិញសញ្ជាតិនេះវិញហើយកិច្ចពិភាក្សាមួយជាមួយនឹងសភាអ៊ឺរ៉ុបនឹងត្រូវធ្វើឡើងនៅថ្ងៃទី 15 មករាខាងមុខនេះហើយ។
បើទោះបីជារដ្ឋាភិបាល Malta បានផ្តល់ជាមូលហេតុនិងសម្រេចចិត្តផ្អាកការអនុវត្តច្បាប់នេះក៏ដោយសហគមន៍អ៊ឺរ៉ុបនឹងនៅតែបន្តកិច្ចពិភាក្សាមួយដដែលហើយលោក Kurt Farrugia ប្រធានផ្នែកគមនាគមន៍និងជាតំណាងអ្នកនាំពាក្រឲ្យរដ្ឋាភិបាលប្រទេស Malta ខ្លួនបានសម្រេចធ្វើបែបនេះដោយសារតែក្នុងគោលបំណងដើម្បីជម្រុញកំណើនសេដ្ឋកិច្ចជាតិហើយលោកបាននិយាយថារដ្ឋាភិបាលនូវតែប្តេជ្ញាចិត្តក្នុងការអនុវត្តច្បាប់នេះឲ្យបាន៕
មតិយោបល់