ទីក្រុងហុងកុង៖ប្រភពពីសារព័ត៌មាន CNN បានឲ្យដឹងថាគោលនយោបាយដែលអនុញ្ញាតិឲ្យមានកូនតែម្នាក់នៅក្នុងបន្ទុកដែលបានដំណើរការអស់រយៈពេលរាប់ទស្សវត្សមកហើយនោះបានត្រូវនីតិបញ្ញាតិ្តថ្មីរៀបចំកែសម្រួលឡើងវិញទាំងស្រុងដើម្បីលប់ចោលហើយជឿជាក់ថាគោលនយោបាយថ្មីនេះនឹងត្រូវដាក់ឲ្យអនុវត្តនាដើមឆ្នាំក្រោយ។
ការកែប្រែនេះត្រូវបានប្រជាជនគ្រប់គ្នាបានដឹងតាំងតែពីប្រកាសកាលពីខែមុនមកម្ល៉េះដែលបានរៀបរាប់ថាគូស្វាមីគ្រប់គ្នានឹងអាចមានសិទ្ធិយកកូនពីរនាក់ប្រសិនបើខាងស្វាមីឬប្រពន្ធជាកូនទោលនៅក្នុងគ្រួសារ។
គួរបញ្ជាក់ថាក្រុមគណៈរដ្ឋមន្ត្រីនៃក្រុមប្រឹក្សាជាតិនៃប្រទេសចិនបានដាក់សេចក្តីស្នើរព្រាងច្បាប់មួយទៅកាន់គណៈកម្មការមួយនៃសមាជជាតិនៃប្រជាជនជាគណកម្មាការដែលមានសិទ្ធិធំជាងគេបង្អស់ក្នុងការធ្វើសេចក្តីសម្រេចចិត្តទៅលើគោលនយោបាយថ្មីដែលត្រូវបានគេហៅថា Adjusting and improving the family planning policy ជាគោលនយោបាយនិយាយអំពីការកែប្រែថ្មីទៅលើគោលនយោបាយគ្រួសារជាតិ៕
មតិយោបល់