ភ្នំពេញៈ នៅវេលាម៉ោង២០ និង ៤០នាទី ថ្ងៃទី០៧ ខែតុលា ឆ្នាំ២០២០ នៅចំណុចផ្លូវ បេតុង ភូមិកន្ទោកជើង សង្កាត់ កន្ទោក ខណ្ឌកំបូល រាជធានីភ្នំពេញ កម្លាំងជំនាញ(ក៩) នៃមន្ទីរប្រឆាំងគ្រឿងញៀន បានបើកកិច្ចប្រតិបត្តិការបង្ក្រាប ករណីជួញដូរគ្រឿងញៀនខុសច្បាប់ ។

លទ្ធផល៖ ក-ចាប់ខ្លួន ជនសង្ស័យ០២នាក់ ១-ឈ្មោះ ឈន មករា ភេទប្រុស អាយុ ៣១ឆ្នាំ ជនជាតិ ខ្មែរ ទីលំនៅ បច្ចុប្បន្ន ផ្ទះលេខ ៨៦E ផ្លូវ បេតុង ភូមិកន្ទោកជើង សង្កាត់កន្ទោក ខណ្ឌកំបូល រាជធានីភ្នំពេញ ។ ២-ឈ្មោះ តែម ជីមី ភេទប្រុស អាយុ២៦ឆ្នាំ មានទីលំនៅ បន្ទប់ជួលគ្មានលេខ ភូមិថ្នល់ទទឹង ឃុំដំណាក់អំពិល ស្រុកអង្គស្នួល ខេត្តកណ្ដាល

ខ-ដកហូតវត្ថុតាង: -ថ្នាំញៀនប្រភេទម៉េតំហ្វេតាមីន(ICE)ចំនួន១០កញ្ចប់ ទម្ងន់សុទ្ធ៩៩៩.៩៥ក្រាម។ -ជញ្ជីងថ្លឹងគ្រឿងញៀន០១គ្រឿង -ទូរស័ព្វ០៤គ្រឿង និងសំភារះប្រើប្រាស់វេចខ្ចប់មួយចំនួន ។

ក្រោយកើតហេតុ ជនសង្ស័យទាំងពីរនាក់ខាងលើ ត្រូវសមត្ថកិច្ច កសាងសំណុំរឿង បញ្ជូនទៅចាត់ការបន្តតាមនីតិវិធីផ្លូវច្បាប់ ៕