គូសង្សាខ្លះថ្វីត្បិតតែស្រឡាញ់គ្នាខ្លាំងក៏ពិតមែន ប៉ុន្តែមិនហ៊ានប៉ះពាល់គ្នានោះឡើយសូម្បីតែការនិយាយលេងសើចក៏មិនហ៊ានដែរ ព្រោះខ្លាចចិត្តគ្នា។ ស្នេហាបែបនេះហាក់បីដូចជាសោះកក្រោះបន្តិច ដោយសារមិនអាចនិយាយនូវរឿងរ៉ាវផ្សេងៗដែលលាក់ទុកនៅក្នុងចិត្ត ព្រមទាំងមិនអាចបញ្ចេញនូវសកម្មភាពដើម្បីបញ្ជាក់ពីសេចក្តីស្រឡាញ់របស់ខ្លួនបាន។ ដូច្នេះហើយអ្នកគួររកវិធីសាស្ត្រមួយចំនួនដើម្បីឲ្យគេហ៊ាននិយាយលេងជាមួយអ្នក នឹងឈានទៅរកទំនាក់ទំនងដ៏ល្អប្រសើរ។
១. បើកចិត្តឲ្យទូលាយ
បុរសខ្លះសង្ស័យថាអ្នកមានរឿងអាថ៌កំបាំងលាក់បាំងជាមួយគេបានជាមិនដែលនិយាយលេងសោះ។ ដូច្នេះហើយអ្នកត្រូវតែធ្វើចិត្តឲ្យទូលាយ ហ៊ាននិយាយរឿងអ្វីៗទាំងអស់ប្រាប់គេឲ្យបានដឹង ធ្វើបែបនេះទើបអ្នកទាំងពីរមានទំនាក់ទំនងកាន់តែល្អ។
២. ចាប់ផ្តើមធ្វើឲ្យមានភាពសប្បាយរីករាយ
សូមចំណាំថានៅពេលដែលអ្នកលាក់រឿងអ្វីមួយដែលសប្បាយៗជាមួយគាត់ ពេលនោះគាត់នឹងខំសួរជីកឬស ជីកគល់ដើម្បីចង់ដឹងចម្លើយចេញពីមាត់របស់អ្នក។ បន្ទាប់មកអ្នកត្រូវបណ្តោយឲ្យគាត់ស្វែងរកចម្លើយដោយខ្លួនឯង នៅពេលដែលគាត់រកអស់ចិត្តហើយសូមប្រាប់ចម្លើយពិតទៅគាត់។ នេះជាវិធីល្អដែលអាចជួយឲ្យអ្នកទាំងពីរនិយាយលេងជាមួយគ្នាបានច្រើន។
៣. លេងល្បែងផ្សេងៗ
អ្នកអាចរកនឹកល្បែងណាមួយដែលធ្វើឲ្យគាត់សប្បាយ ដូចជាការទាយពាក្យប្រដៅ ឬដោះប្រស្នាជាដើម។ ការដោះប្រស្នាឲ្យគាត់ដោះស្រាយលាយឡំជាមួយនឹងពាក្យលេបខាយអាចធ្វើឲ្យគាត់មានអារម្មណ៍សប្បាយរីករាយ ព្រមទាំងពេញចិត្តលេងនូវល្បែងបែបនេះ៕
ចុចទីនេះមើលប្រភពដើមសហការជាមួយនឹងដំណឹង
មតិយោបល់