លោកបានគីមមូនអគ្គលេខាធិកាអង្គការសហប្រជាជាតិបានឡើងមកប្រកាសកាលពីថ្ងៃអាទិត្យម្សិលមិញថាការវាយប្រហារថ្មីមួយទៀតដែលធ្វើឲ្យមានការរង្គោះរង្គើរកាន់តែខ្លាំងដោយបានសម្លាប់កងថែរក្សាសន្តិភាពរបស់អង្គការសហប្រជាជាតិពីរនាក់នៅក្នុងទីក្រុង Darfur របស់ស៊ូដង់ហើយលោកបានទាមទារឲ្យរដ្ឋាភិបាលមួយក្នុងការនាំខ្លួនឧក្រិដ្ឋជនដើម្បីទៅកាត់ទោស។
នៅក្នុងសេចក្តីថ្លែងការណ៍មួយរបស់លោកបានគីមមូនបាននិយាយថាកងទាហានដែលមិនស្គាល់អត្តសញ្ញាណមួយបានបើកការវាយប្រហារទៅលើក្រុមកងថែរក្សាសន្តិភាពរបស់យូអិនដែលកំពុងបំពេញប្រតិបត្តការមួយដែលមានឈ្មោះថា African Union-United Nation Hybrid Operation(UNAMID) នៅភាគខាងត្បូងនៃទីក្រុង Darfur ដែលក្នុងនោះមានម្នាក់ជាជនជាតិហ្សកដង់និងម្នាក់ទៀតជាជនជាតិសេណេហ្គាល់។
ជាតួលេខចុងក្រោយបានកើនដល់ 16 នាក់ហើយនៃកងកម្លាំងថែរក្សាសន្តិភាព UNAMID របស់យូអិនដែលត្រូវបានសម្លាប់នៅក្នុងប្រទេសស៊ូដង់នៅក្នុងឆ្នាំនេះ។គួរបញ្ជាក់ថា UNAMID ត្រូវបានបង្កើតឡើងដោយក្រុមប្រឹក្សាសន្តិសុខរបស់យូអិនសម្រាប់ការងារការថែរក្សានិងការពារប្រជាពលរដ្ឋស៊ីវិលរបស់ប្រទេសស៊ូដង់ដែលកំពុងស្ថិតនៅក្នុងសង្គ្រាមចាប់តាំងពី 10 ឆ្នាំមកហើយហើយមនុស្សដល់ទៅ 300,000 នាក់ដែលបានស្លាប់និងជាង 10 លាននាក់ទៀតដែលបានផ្លាស់ប្តូរទីលំនៅដោយសារសង្គ្រាមអូសបន្លាយមួយនេះ៕
មតិយោបល់