ទីក្រុងមូស្គូ (29/12/13) ៖ស្ត្រីម្នាក់ដែលត្រូវគេជឿជាក់ថាបានបំពាក់គ្រាប់ផ្ទុះជាប់ខ្លួនហើយបានដើរសំដៅទៅកាន់ស្ថានីយរថភ្លើងមួយកន្លែងនៅភាគខាងត្បូងនៃប្រទេសរូស្ស៊ីនិងបន្ទាប់មកក៏បំផ្ទុះខ្លួនឯងនៅកន្លែងដែលមនុស្សឈរកកកុញហើយជាលទ្ធផលមនុស្ស 14 នាក់ ទៀតដែលបានស្លាប់បាត់បង់ជីវិត។
អ្នកដំណើរផ្សេងទៀតប្រមាណ 45 នាក់រួមទាំងក្មេងស្រីអាយុ 9 ឆ្នាំម្នាក់ដែរដែលបានរងរបួសនៅក្នុងហេតុកាណ៍បំផ្ទុះដែលបានកើតឡើងនៅម៉ោងប្រមាណ 12 និង 45 ថ្ងៃត្រង់នៅក្នុងទីក្រុង Volgograd ហើយបើយោងប្រភពពីព័ត៌មានដែលគួរឲ្យទុកចិត្តមួយបានបញ្ជាក់ថាស្ត្រីដែលដែលមានគ្រាប់ផ្ទុះជាប់នឹងខ្លួននោះបានដើរសំដៅទៅកាន់ផ្លូវចូលធំរបស់ស្ថានីយរថភ្លើងដែលជាកន្លែងមនុស្សជាច្រើនហើយក៏ចាប់ផ្តើមបំផ្ទុះគ្រាប់តែម្តង។
លោក Sergei Bozhenov អភិបាលក្រុង Volgograd បានប្រកាសដាក់បីថ្ងៃក្រោយថ្ងៃចូលឆ្នាំសកលជាថ្ងៃកាន់ទុកសម្រាប់ជនរងគ្រោះដែលបានបាត់បង់ជីវិតនៅក្នុងហេតុការណ៍នេះនៅពេលដែលលោកប្រធានាធិបតីពូទីនក៏បានប្រកាសបញ្ជាឲ្យមានការថែរក្សាបន្ថែមយកចិត្តទុកដាក់លើជនរងគ្រោះដែលនៅសេសសល់ជាពិសេសកុំឲ្យមានចំនួនអ្នកស្លាប់កើនឡើង៕
មតិយោបល់