ក្រសួងពាណិជ្ជកម្មចិន បានប្រារព្ធពិធីសន្និសីទមួយនៅក្នុងទីក្រុងប៉េកាំង កាលពីថ្មីៗនេះ បង្ហាញពីលទ្ធផលការងារនៅក្នុងឆ្នាំ ២០១៣។
លោក Gao Hucheng រដ្ឋមន្ត្រីក្រសួងសេដ្ឋកិច្ចបានធ្វើការសង្ខេបនូវរបាយការណ៍ប្រចាំឆ្នាំ ២០១៣ ដោយបានលើកឡើងថា ចិនរំពឹងថាទំហំពាណិជ្ជកម្មនឹងកើនឡើងដល់ ៤,១៤ពាន់ពាន់លានដុល្លារអាមេរិក ដោយកើនឡើងជាង ៧ភាគរយ បើធៀបនឹងឆ្នាំមុន។
ទំហំពាណិជ្ជកម្មនៅក្នុងវិស័យសេវាកម្មបានកើនលើស ៥២០ពាន់លានដុល្លារអាមេរិក។ ការលក់រាយក៏ត្រូវបានគេព្យាករថាកើនឡើងដល់ ២៣,៨ពាន់ពាន់លានយន់ក្នុងឆ្នាំ ២០១៣ នេះ កើនឡើង ១៣ភាគរយ។
ការវិនិយោគទន់ដោយផ្ទាល់ពីបរទេសនឹងកើនឡើងដល់ ១១៧ពាន់លានដុល្លារអាមេរិកគឺកើនឡើងប្រហែល ៥ភាគរយ។ លោករដ្ឋមន្ត្រីបាននិយាយថា ការប្រើប្រាស់ និងការវិនិយោគនៅក្នុងវិស័យសេវាកម្មត្រូវបានរីកលូតលាស់យ៉ាងឆាប់រហ័ស៕
មតិយោបល់