បាកក៖ គិតមកដល់ពេលនេះ មានមនុស្សចំនួន៨នាក់ត្រូវបានសម្លាប់ និងច្រើនជាង ៣០០នាក់ផ្សេងទៀត បានរងរបួស ដោយសារតែភាពតានតឹងផ្នែកនយោបាយនៅក្នុងប្រទេសថៃ។
យោងតាមសារព័ត៌មានក្នុងស្រុកថៃបានឲ្យដឹងថា មានបាតុករប្រឆាំងរដ្ឋាភិបាលម្នាក់ត្រូវបានបាញ់សម្លាប់ ហើយបីនាក់ផ្សេងទៀតរងរបួសធ្ងន់ធ្ងរ ដោយខ្មាំងកាំភ្លើងមិនស្គាល់អត្តសញ្ញាណ នៅកន្លែងធ្វើបាតុកម្ម ក្បែរវិមានរដ្ឋាភិបាលកាលពីថ្ងៃម្សិលមិញ។
មជ្ឈមណ្ឌលសង្គ្រោះបន្ទាន់មួយនៅក្នុងទីក្រុងបាងកក បានបញ្ជាក់ឲ្យដឹងថា បុរស ៤នាក់ត្រូវបានបាញ់សម្លាប់ នាម៉ោងប្រមាណ ៣ទៀបភ្លឺក្បែរច្រកទ្វារទី៤នៃវិមានរដ្ឋាភិបាល។
គួរបញ្ជាក់ផងដែរថា ក្រុមបាតុករប្រឆាំងរដ្ឋាភិបាលថៃ បាននាំគ្នាទាមទារឲ្យអ្នកស្រី យីងឡាក់ ចុះចេញពីតំណែង បើទោះបីជានៅពេលនេះថៃបាននឹងកំពុងតែរៀបចំឲ្យមានការបោះឆ្នោតឡើងវិញនៅខែកុម្ភៈឆ្នាំ ២០១៤ ក្ដី ក៏ពួកបាតុករនៅតែទាមទារឲ្យចុះចេញដដែល ព្រោះពួកគេជឿថាការបោះឆ្នោតនឹងមិនបានតម្លាភាព៕
មតិយោបល់