វាជារឿងមួយដ៏គួរឲ្យខ្លាចបំផុត ដែលអង្គការសង្គមស៊ីវិលរបស់អាមេរិក ដែលអាច ប្រើកម្មវិធីបញ្ជាពីចម្ងាយ ដំណើរការលើម៉ាស៊ីនទូរស័ព្ទដៃរបស់យើងកំពុងតែប្រើនោះ ។
តាមរបាយការណ៍ដែលបានបែកធ្លាយ កម្មវីធីចារកម្ម ដែលមានឈ្មោះថា DROPOUT JEEP ដែលបានចាប់ផ្តើមប្រតិបត្តិការលើករណីនេះកាលពីខែ តុលា ឆ្នាំ ២០០៨ កន្លងមក ។ ឯកសារទាំងនោះបានបង្ហាញឲ្យដឹងពីអង្គការសង្គមស៊ីវិលរបស់អាមេរិក ដែលបង្កប់នូវឧបករណ៍ថ្មីដែលគេហៅថាប្រភេទ មេរោគ ឬ Spyware ដោយដំណើរការលើម៉ាស៊ីនទូរស័ព្ទដៃដែលយើងកំពុងប្រើ ដោយចូលលួចយកទិន្នន័យនឹងសកម្មភាពដែលយើងកំពុងតែធ្វើ។ព័ត៌មាននេះដែរកំពុងតែធ្វើឲ្យអ្នកប្រើបា្រស់ទូរស័ព្ទដៃមានការព្រួយបារម្ភយ៉ាងខ្លាំង។
ទោះបីជាយ៉ាងណាខាងទស្សនាវដ្តី Spiegel របស់អាល្លឺម៉ង់ បានចុះផ្សាយឲ្យដឹងថា ខាងអង្គការសង្គមស៊ីវិលរបស់អាមេរិក ដែលហៅកាត់ថា NSA នឹងធ្វើការបញ្ចូលទិន្នន័យពិសេសរបស់ពួកគេ ជាមួយនឹង ខាង Apple មុននឹងធ្វើការចេញលក់ ទៅកាន់អតិថិជន។
ដោយឡែកមុននេះ លោក Edward Snowden បានបង្ហាញថា ខាងក្រុមហ៊ុន Apple អាចនឹងត្រូវធ្វើកិច្ចការសម្ងាត់ជាមួយនឹង អង្គការសង្គមស៊ីវិល ឬទីភ្នាក់ងារជាតិសន្តិសុខរបស់អាមេរិក ដែលហៅកាត់ថា NSA នោះ ដោយរាល់ផលិតផលរបស់ Apple នឹងឆ្លងកាត់ពី NSA មុន មុននឹងបញ្ចេញលក់ ។
ប្រសិនបើ ខាង Apple ពិតជាជួយដល់រដ្ឋាភិបាលអាមេរិកនោះ ជាក់ណាស់ ខាង Apple កំពុងតែធ្វើឲ្យអតិថិជនរបស់ខ្លួនរត់ចោល អាចនឹងបោះ iPhone ចូលទៅក្នុងទឹកក៏បានដែរ ហើយក៏ជាចំណុចដែលអាចធ្វើឲ្យក្រុមហ៊ុនមួយនេះក្ស័យធន់ផងដែរ៕
មតិយោបល់