Asa Griggs Candler កើត​ក្នុង​ឆ្នាំ​១៨៥១ ក្នុងភូមិ Rica ក្នុង​រដ្ឋ Georgia ​សហរដ្ឋ​អា​មេរិច។ Asa Griggs Candler កើត​ក្នុង​ត្រកូល​កសិករ​ក្រីក្រ​មួយ ។ ដោយសារ​មាន​បដិវត្តន៍ ឧស្សាហកម្ម ទើប Asa Griggs Candler ត្រូវ​បង្ខំចិត្ត​ធ្វើ​ចំណាកស្រុក​ទៅ​ស្វែងរក​ការងារ​នៅ​ទីក្រុង​ដោយ​បាតដៃ​ទទេ ដូចជា​អ្នក​ដ៏​ទៃ​ទៀត​ដែរ ។

​ក្នុង​ឆ្នាំ ១៨៧៣ Asa Griggs Candler មាន​អាយុ ២២ឆ្នាំ គាត់​គ្មាន​មុខរបរ​អ្វី​ច្បាស់លាស់​នោះទេ ហើយ​ថែមទាំង​គ្មាន​ដើមទុន​សម្រាប់​រកស៊ី​ទៀត តែ​គាត់​បាន​ព្យាយាម ប្រកប​របរ​លក់ដូរ​អីវ៉ាន​តិចទួច ដើម្បី​ចិញ្ចឹមជីវិត។ ដោយសារ​តែ​ភាពឧស្សាហ៍​ព្យាយាម និងភាពរហ័សរហួន​របស់ គាត់​បាន​ជួយ​ឲ្យ​មុខរប​ររបស់​គាត់​មាន​ការរីកចម្រើនបន្តិច​ម្តងៗ។ គាត់​បើកហាង​លក់​គ្រឿងសំអាង បន្ទាប់មក​គាត់​បាន​ពង្រីក​ទៅ​ជា​ហាង​លក់ ថ្នាំពេទ្យ និងវត្ថុ​ធាតុគីមី​ដែល​ប្រើប្រាស់​ប្រចាំ​ថ្ងៃ​វិញ​។ គាត់​មិន​ត្រឹមតែ​លក់រាយ​នោះទេ គាត់​បាន​ចាប់ផ្តើម​លក់​ដុំ​សម្រាប់ចែកចាយ​ទៅ​តំបន់​ដាចស្រយាល​មួយចំនួន​ផង​ដែរ​។​ពេល​នោះ​ហើយ​ដែល​គំនិត​ជំនួយ​របស់​គាត់​ចាប់ផ្តើម​មាន​ការរីកចម្រើន។
​
https://i1272.photobucket.com/albums/y389/domneng/300px-Asa_-Coca-Cola_zps723dd66e.jpg

​ជា​បណ្តើរៗ Asa Griggs Candler ក៏​បាន​ស្គាល់​គ្នា​ជាមួយ ឧ​សថការី ម្នាក់​មាន​ឈ្មោះ​ថា Pemberton ពេលនោះ Asa Griggs Candler ក៏​បាន​ស្គាល់​រសជាតិភេសជ្ជៈ​ចំឡែក​ម្យ៉ាង​ដែល Pemberton បាន​បង្កើតឡើង ដែល Asa Griggs Candler ទទួលស្គាល់ថា ជា​ភេសជ្ជៈ​ដែល​មាន​រស់ជាតិឆ្ងាញ់​ចំឡែក។ ​ពេល​នោះ​ដែល ការរកស៊ី​លក់ដូរ​របស់ Pemberton ក៏​កំពុង​ជួប​ការលំបាក ហេតុនេះហើយ Asa Griggs Candler បាន​យក​ឱ​កាស​នោះ ធ្វើ​ការចចារ​ទិញ​យក​ផ្តាច់​មុច រូបមន្ត​ការ​លាយភេសជ្ជៈ​នោះ​ពី​លោក Pemberton។ ចំនួនលុយ ២៣០០ ដុល្លាអាមេរិក វា​មិន​ច្រើន​​ទេ​សម្រាប់​ពេលបច្ចុប្បន្ន តែ​ក្នុង​ឆ្នាំ​១៨៩១ វា​ជា​ចំនួន​មួយ​ដែល​ច្រើន​គួរសម​។ ពេលនោះ Asa Griggs Candler បាន​ប្រមែប្រមូល​អស់​ទ្រព្យសម្បត្តិ​របស់​គាត់​ទាំងអស់ ដើម្បី​ទិញ​រូបមន្ត​ក្នុងកា​រលាយ​ភេសជ្ជៈ​នោះ។​

​ចាប់ពីពេលនោះ​មក Asa Griggs Candler ចាប់ផ្តើម​ធ្វើ​ជំនួញ​ជាមួយ​ភេសជ្ជៈ​មួយ​ប្រភេទ​ដែល​គេ​មិនសូវ​ដែល​ស្គាល់​។ ដំបូង​គេ​គិតថា​វា គ្រាន់តែ​ជាឧស​ថ​តែប៉ុណ្ណោះ តែ​ដោយសារ​ការព្យាយាម ផ្សព្វផ្សាយ និងយុទ្ធសាស្ត្រ​ទីផ្សារ​ដែល​ប្រកបដោយ ប្រសិទ្ធភាព​បាន ធ្វើឲ្យ​ប្រជាជន​ជាច្រើន​ក្នុង​តំបន់​ចាប់ផ្តើម​មាន​ចំណាប់អារម្មណ៍​ជាមួយភេសជ្ជៈនេះ។ ភេសជ្ជៈ​នេះ ត្រូវបាន​គេស្គាល់​ថា ជា Coca Cola ព្រោះ​វា ផ្សំ​ឡើង​ដោយ រុក្ខជាតិ Coca ដែល​មាន​ដុះ​ក្នុង​តំបន់​ភាគខាងត្បូង​សហរដ្ឋ​អា​មេ​រិច។ រុក្ខជាតិ នោះ​មាន​សារប្រយោជន៍​សម្រាប់ការព្យាបាល​ជំងឺ ឈឺ ក្បាល និង Strees៕ ពីមួយថ្ងៃ​ទៅមួយថ្ងៃ Coca Cola កាន់តែ​មាន​ភាព​ពេញនិយម​ជាមួយ​ប្រជាជន​អា​មេ​រិក និងបាន​រីក​ចេញ​រាលដាល​ពេញ​ពិភពលោក ។ បច្ចុប្បន្ន Coca Cola កំពុង​មាន​សកម្មភាព​ផលិត និង​លក់ដូរ​របស់ខ្លួន​នៅក្នុង​ប្រទេស​ជាង ២០០ លើ​ពិភពលោក​៕​