ក្រុមហ៊ុនផលិតយន្តហោះ Boeing ដ៏ធំរបស់ពិភពលោកបានបំបែកកំណត់ត្រាថ្មីក្នុងលោកដែលលក់និងទទួលកម្ម៉ង់ទិញច្រើនបំផុតជាប់គ្នាពីរឆ្នាំ។ក្រុមហ៊ុន Boeing បានទទួលការកម្ម៉ង់ទិញដែលមិនទាន់បានធ្វើដល់ទៅ 5080 ហើយបានលក់ចេញប្រមាណ 648 គ្រឿងកាលពីឆ្នាំទៅ។
បើប្រៀបធៀបជាមួយដៃគូប្រកួតប្រជែងក្រុមហ៊ុន Airbus វិញខ្លួនហាក់ដូចជាមានតួរលេខឈ្នះដាច់នៅពេលដែលក្រុមហ៊ុន Airbus នឹងបញ្ចេញលទ្ធផលរបស់ខ្លួននៅថ្ងៃទី 13 ខែមករានេះហើយគេជឿជាក់ថាមាន 620 គ្រឿងដែលក្រុមហ៊ុននេះបានលក់គឺនៅតិចជាង Boeing ដល់ទៅជិត 30 គ្រឿង។
ក្រុមហ៊ុន Boeing បានបញ្ជាក់ថាគ្រប់ប្រភេទយន្តហោះដឹកអ្នកដំណើររបស់ខ្លួនដែលបានលក់ដាច់សុទ្ធតែបានបំបែកកំណត់ត្រាទាំងអស់ដូចជាប្រភេទ Boeing 737 ដែលលក់បាន 440 គ្រឿងប្រភេទ Long-haul 777 បាន 98 គ្រឿងនិងប្រភេទ Boeing 787 Dreamliners លក់បាន 65 គ្រឿង៕
មតិយោបល់