ថ្មីៗនេះ ក្រុមហ៊ុន Google បានបង្ហាញនូវ Keyword ទាំង១០ ដែលមានអ្នកស្វែងរកច្រើនជាងគេនៅលើ Google Search សម្រាប់រយៈពេល ១២ខែក្នុងឆ្នាំ ២០១៤។ តើលោកអ្នកអាចទាញបានទេថា ពាក្យណាមួយដែលមានការស្វែងរកច្រើនជាងគេ, world cup, iPhone ឬមួយ ALS Ice Bucket Challenge?
ខាងក្រោមនេះគឺជា keyword ទាំង ១០ដែលមានការស្វែងរកច្រើនជាងគេបំផុតនៅលើ Google Search៖
១. លោក Robin Williams ៖ ជាតារាសម្ដែង និងកំប្លែងរបស់អាមេរិក ដែលបានទទួលមរណភាពកាលពីថ្ងៃទី១១ខែសីហា ឆ្នាំ ២០១៤ កន្លងទៅនេះ។
២. World Cup៖ ត្រូវបានគេស្វែងរកច្រើនជាងគេនៅក្នុងរដូវកាល World Cup កាលពីថ្ងៃទី១២ខែមិថុនាដល់ថ្ងៃទី១៣ខែកក្កដា ឆ្នាំ ២០១៤ នៅប្រទេសប្រេស៊ីល ដោយប្រទេសអាល្លឺម៉ង់ជាអ្នកលើកពាន។
៣. Ebola ៖ ជាជំងឺដ៏កាចសាហាវមួយបានកើតឡើងនៅតំបន់អាហ្វ្រិកខាងលិក ដោយបានសម្លាប់មនុស្សប្រមាណជា ៧.២៩២នាក់។
៤. Malaysia Airlines ៖ គឺផ្ដោតសំខាន់ទៅលើការបាត់ខ្លួននៃយន្តហោះ MH370 កាលពីថ្ងៃទី០៣ខែមីនា ឆ្នាំ ២០១៤ ដោយមានមនុស្ស ២៣៩នាក់ ហើយមកដល់ពេលនេះ នៅមិនទាន់មានដំណឹងអ្វីទាំងអស់។
៥. Flappy Bird ៖ ជាហ្គេមមួយដែលបង្កើតឡើងដោយជនជាតិវៀតណាម ដោយរកប្រាក់ចំណូលបាន ៥ពាន់ដុល្លារអាមេរិកក្នុងមួយថ្ងៃ ប៉ុន្តែត្រូវបានលោក Dong Nguyen លុចចោលពី App Store និង Google Play ដោយមិនដឹងមូលហេតុ។
៦. ALS Ice Bucket Challenge ៖ ជាល្បែងចាក់ទឹកមួយដ៏ពេញនិយមសម្រាប់ខែកក្កដា និងសីហា ដោយមនុស្សភាគច្រើនបាននាំគ្នាចូលរួមលេងដើម្បីប្រមូលថវិកា សម្រាប់មូលនិធិសម្បុរធម៌។
៧. ISIS ៖ ជាឈ្មោះរដ្ឋអ៊ីស្លាមផ្ដាច់ខ្លួនមួយនៅប្រទេសអ៊ីរ៉ាក់ និងអារ៉ាប់ ដែលកំពុងធ្វើឲ្យអាមេរិក និងប្រទេសកាន់សាស្ត្រអ៊ីស្លាមមួយចំនួនឈឺក្បាល។
៨. Ferguson ៖ ជាឈ្មោះនៃទីក្រុងមួយនៅក្នុងសហរដ្ឋអាមេរិក។ ពាក្យនេះត្រូវបានស្វែងរកច្រើន ដោយសារតែមានការផ្ទុះកំហឹងពីសំណាក់ប្រជាជនដែលរស់នៅក្នុងរដ្ឋ Ferguson ពាក់ព័ន្ធនឹងប៉ូលិសបានបាញ់សម្លាប់ជនជាតិស្បែកខ្មៅម្នាក់ឈ្នោះ Michael Brown ហើយត្រូវតុលាកាដោះលែង។
៩. Frozen ៖ ជាភាពយន្តបែបគំនូជីវចល និង 3D របស់ក្រុមហ៊ុន Walt Disney ដែលនិយាយពីព្រះនាងព្រិល និងបានធ្វើឲ្យពិភពលោកស្ងោចសរសើរយ៉ាងខ្លាំង ជាពិសេសគឹបទចម្រៀងនៅក្នុងសាច់រឿងនេះតែម្តង។
១០. Ukraine ៖ គឺត្រូវបានគេស្វែងរកច្រើនដោយសារតែជម្លោះនៅក្នុងតំបន់ Crimean ជាមួយនឹងប្រទេសរុស្ស៊ី៕
ព័ត៌មានជាតិ
មតិយោបល់