ភ្នំពេញ៖ក្នុងឱកាសដែលគណៈប្រតិភូអង្គការ People for Care and Learning (PCL) នៃទីក្រុង Cleveland រដ្ឋ Tennessee សហរដ្ឋអាមេរិក ដឹកនាំដោយ លោក Mark William នាយកប្រតិបត្តិទូទៅនៃអង្គការ PCL អមដំណើរ ដោយសមាជិកចំនួន ៤៣ រូបទៀត ដែលភាគច្រើនគឺជាអ្នកជំនួញ និងអ្នកកាន់ សាសនាគ្រឹស្ត អញ្ជើញមកបំពេញទស្សនៈកិច្ចនៅរាជធានីភ្នំពេញ ពីថ្ងៃទី ០៤- ០៧ ខែ មករា ឆ្នាំ ២០១៤ នោះ គណៈប្រតិភូក៍បានអញ្ជើញចូលជួបសម្តែង ការគួរសមជាមួយ ឯកឧត្តម ប៉ា សុជាតិវង្ស អភិបាលនៃគណៈអភិបាល រាជធានីភ្នំពេញ នាព្រឹកថ្ងៃទី ០៦ ខែ មករា ឆ្នាំ ២០១៤ នេះ នៅសាលារាជធានីភ្នំពេញ ។
នាយកប្រតិបត្តិទូទៅរបស់អង្គការ PCL ក្នុងជំនួបនោះបានសម្តែងយ៉ាងជ្រាលជ្រៅចំពោះ ឯកឧត្តមអភិបាលរាជធានីភ្នំពេញ ដែលបាន ខិតខំប្រឹងប្រែងយកចិត្តទុកដាក់ផ្តល់លទ្ធភាពឲ្យ PCL បានរួមចំណែកក្នុងការអភិវឌ្ឍន៍ សហគមន៍ក្រីក្រកនៅរាជរាជធានីភ្នំពេញ ពិសេស សហគមន៍ភូមិអណ្តូង ក្នុងសង្កាត់គោក រកា ខណ្ឌពោធិ៍សែនជ័យ ។
ជាមួយគ្នានេះ PCL នឹងខិតខំបន្តកិច្ចសហប្រតិបត្តិការឲ្យបាន ខ្លាំងក្លាថែមទៀត ជាមួយសាលារាជធានីភ្នំពេញ ធ្វើយ៉ាងណាឲ្យការអនុវត្តនូវកិច្ចព្រម ព្រៀងគម្រោងអភិវឌ្ឍន៍ ” Build A City Project ” នៅសហគមន៍ភូមិអណ្តូង ទទួលបាន លទ្ធផលថ្មីៗបន្ថែមទៀត ។
ឯកឧត្តម ប៉ា សុជាតិវង្ស អភិ បាលរាជធានីភ្នំពេញ ក៏បានសម្តែងនូវការស្វាគមន៍ចំពោះដំណើរទស្សនកិច្ចរបស់គណៈ ប្រតិភូ PCL នៅរាជធានីភ្នំពេញនាឱកាសនេះផងដែរ ព្រមទាំងបានថ្លែងអំណរគុណផងដែរ ចំពោះកិច្ចសហប្រតិបត្តិការដ៏ល្អនាពេលកន្លងមកនេះរបស់ PCL ជាមួយរាជធានីភ្នំពេញ ហើយ ឯកឧត្តមអភិបាល បានចាត់ទុកថា PCL គឺជាដៃគូមួយដ៏មានប្រសិទ្ធភាពក្នុងការកែលំអសហគមន៍អ្នកក្រីក្រនៅរាជធានីភ្នំពេញ ។ ឯកឧត្តមបានបន្តទៀតថា នឹងបើកចំហរស្វាគមន៍ជានិច្ច ជាមួយនឹងដៃគូអភិវឌ្ឍន៍ រួមមាន អង្គការ សង្គមស៊ីល និងសប្បុរសជននានា ទាំងក្នុង និង ក្រៅប្រទេស ដើម្បីរួមចំណែកអភិវឌ្ឍន៍សហគមអ្នកក្រីក្រក្នុងរាជធានីឲ្យកាន់តែប្រសើរឡើងថែមទៀត ស្របតាមគោលនយោបាយ កាត់បន្ថយភាពក្រីក្ររបស់រាជរដ្ឋាភិបាល ។
មតិយោបល់