បើកទំហំឆ្នាំថ្មីភ្លាម ក្រុមហ៊ុន Apple បានចាប់ផ្ដើមសម្រុកទិញកូនក្រុមហ៊ុនបច្ចេកវិទ្យាភ្លាមឲ្យដូចអ្វីដែលខ្លួនបាននិយាយ និងសន្យា។
យោងតាមគេហទំព័រ Phone Arena ចុះផ្សាយកាលពីថ្ងៃចន្ទម្សិលមិញនេះបានឲ្យដឹងថា ក្រុមហ៊ុន Apple បានទិញក្រុមហ៊ុន SnappyLabs ដែលជាក្រុមហ៊ុនបង្កើតកម្មវិធី Photography app និង SnappyCam។
ការទិញលក់នេះមិនត្រូវបានប្រកាសឲ្យដឹងនោះទេ ប៉ុន្តែប្រភពដែលជិតស្និទ្ធបានបង្ហើបឲ្យដឹង ព្រោះថាក្រុមហ៊ុន Apple ត្រូវបង្កើនវិស្វករដែលបង្កើតកម្មវិធីខាងលើសម្រាប់ធ្វើការងារទៅលើគម្រោងផ្សេង។ ក្រោយពីបែកធ្លាយព័ត៌មាននេះ Apple បានចេញមុខបញ្ជាក់ថាពិតជាបានទិញក្រុមហ៊ុនខាងលើមែន។
គួរបញ្ជាក់ផងដែរថា ក្រុមហ៊ុន Apple បាននិយាយយ៉ាងបើកចំហថា ខ្លួននឹងទិញកូនក្រុមហ៊ុនបច្ចេកវិទ្យាតូចៗឲ្យបានយ៉ាងហោចណាស់ ១០ក្នុងមួយឆ្នាំ ដើម្បីពង្រីកនូវវិសាលភាពរបស់ខ្លួន៕
មតិយោបល់