ក្រុមហ៊ុនផលិតស្មាតហ្វូនចិន ZTE បានប្រកាសបង្ហាញឧបករណ៍កូនកាត់មួយដែលមានឈ្មោះថា Projector Hotspot ដែលប្រើប្រាស់ប្រព័ន្ធដំណើរការ Android។ ឧបករណ៍កូនកាត់មួយនេះអាចប្រើជា លក្ខណៈ LTE hotspot ដោយអាចផ្ដល់នូវសេវា 4G ទៅឲ្យ Client ផ្សេងគ្នាបានរហូតដល់ទៅ ៨។
Projector Hotspot អាចបង្ហាញរូបភាព និងវីដេអូបានរហូតដល់ ១២០អ៊ីង ស្មើនឹងទំហំ ៣ម៉ែត្រ។ ក្នុងនោះវាមានរន្ធ HDMI, USB រន្ធដោតកាស សម្រាប់ផ្ដល់នូវភាពងាយស្រួលក្នុងការភ្ជាប់ជាមួយនឹងកឧបករណ៍ផ្សេង។
ឧបករណ៍កូនកាត់នេះ ប្រើប្រាស់ប្រព័ន្ធដំណើរការ Android 4.2 អេក្រង់ទំហំ ៤អ៊ីង ប្រភេទ Touch Screen ដែលតាមគម្រោងក្រុមហ៊ុននឹងបង្ហាញវានៅលើទឹកដីសហរដ្ឋអាមេរិកក្នុងឆ្នាំនេះ៕
មតិយោបល់