Young Barry ជាឈ្មោះដើមរបស់ក្មេងប្រុសជនជាតិអាមេរិកសញ្ជាតិអាហ្វ្រិកដ៏ធម្មតាម្នាក់ដែលមានម្តាយជាជនជាតិអាមេរិកស្បែកសនិងឪពុកជនជាតិកេនយ៉ាដែលបានទៅសិក្សារៀនសូត្រនៅអាមេរិកនិងបានរៀបការនៅទីនោះ។ Young Barry ដែលក្រោយមកត្រូវបានស្គាល់ថាជាឈ្មោះហៅក្រៅរបស់លោក Barak Obama ដែលយកឈ្មោះតាមត្រកូលរបស់គ្រួសារឪពុកដែលមានដើមកំណើតជាជនជាតិអាហ្វ្រិកកើតនៅឆ្នាំ 1961 ដែលក្រោយមកនៅពេលដែលឪពុករបស់លោកបានទទួលសញ្ញាប័ត្របណ្ឌិតលោកក៏បានលះបង់គ្រួសាររបស់ខ្លួននៅអាមេរិកដើម្បីទៅធ្វើការនៅស្រុកកំណើតវិញ។ Barak Obama បានផ្លាស់ប្តូរទីលំនៅទៅរស់នៅប្រទេសឥណ្ឌូនេស៊ីជាមួយនឹងឪពុកក្រោយរបស់លោកដែលជាជនជាតិឥណ្ឌូនេស៊ី។
រស់នៅក្នុងប្រទេសឥណ្ឌូនេស៊ីបានប៉ុន្មានឆ្នាំរហូតដល់លោកមានអាយុប្រហែល 10 ឆ្នាំម្តាយរបស់ខ្លួនបានបញ្ជូនលោក Obama មករស់នៅអាមេរិកវិញជាមួយនឹងយាយតារបស់ខ្លួននៅហាវ៉ៃហើយនាឆ្នាំ 1972 ម្តាយរបស់លោកក៏បានផ្លាស់មករស់នៅជាមួយនឹងលោកវិញក្រោយការលែងលះប្តីទី 2 របស់អ្នកស្រីជាមួយប្អូនស្រីម្នាក់ទៀត។អូបាម៉ាមានទំនាក់ទំនងតិចតួចណាស់ជាមួយឪពុកដែលបានទៅរស់នៅប្រទេសកេនយ៉ាវិញនោះ។
ឪពុករបស់លោកអូបាម៉ាធ្លាប់បានមកលេងលោកនៅអាមេរិកម្តងដែលវាបានធ្វើឲ្យកុមារាអូបាម៉ាយល់ច្រឡំថាជាការចាប់ផ្តើមរស់នៅឡើងវិញនៃការជួបជុំគ្រួសារហើយនៅពេលដែលឪពុកលោកបានចាកចេញជាលើកចុងក្រោយអូបាម៉ាបានទទួលកាដូ 2 ពីឪពុករបស់លោកគឺបាល់បោះមួយនិងម៉ាស៊ីនចាក់ឌីសចម្រៀងមួយផងដែរ។
អូបាម៉ាបានចាប់ផ្តើមជីវិតយុវវ័យនៅវិទ្យាល័យជាប្រធានក្រុមកីឡាករបាល់បោះប៉ុន្តែវាបានធ្វើឲ្យលោកមានការមិនសូវច្បាស់ពីលក្ខណៈសម្បត្តិរបស់ខ្លួនទៅនឹងមិត្តភ័ក្តជនជាតិស្បែកដទៃទៀត។វាបានធ្វើឲ្យលោកចាប់ផ្តើមចេះជក់បារីផឹកស្រានិងប្រើប្រាស់សារធាតុញៀនដូចកូកាអ៊ីនផង។
ទោះបីជាយ៉ាងណាក្តីវាមិនបានធ្វើឲ្យជីវិតសិក្សារបស់លោកធ្លាក់ទៅក្នុងផ្លូវដុនដាបនោះឡើយដោយសារតែនៅឆ្នាំ 1979 លោកត្រូវបានសម្រេចចិត្តលាពីគ្រួសារទៅរស់នៅក្នុងទីក្រុង Los Angeles ដើម្បីបន្តការសិក្សាថា្នក់មហាវិទ្យាល័យ។ការសិក្សានៅទីក្រុង Los Angeles មិនបានធ្វើឲ្យគាត់មានភាពចុះសម្រុងជាមួយមិត្តភ័ក្តដែលជាជនជាតិស្បែកសនោះទេមិនបានប៉ុន្មានគាត់ក៏បានផ្លាស់មកសិក្សានៅសាកលវិទ្យាល័យកូឡុំប៊ី Columbia University ក្នុងទីក្រុងញូវយ៉កដែលមានសហគមន៍ជនជាតិអាមេរិកស្បែកខ្មៅច្រើនវិញ។
ការសិក្សានៅទីក្រុងញូវយ៉កធ្វើឲ្យគាត់មានអារម្មណ៍ងាយស្រួលហើយការអភិវឌ្ឍខ្លួនរបស់គាត់បានចាប់រីកចម្រើនខ្លាំងបំផុតដោយគាត់បានផ្តាច់នូវការប្រើប្រាស់ថ្នាំញៀនជាដើមគាត់បានប្រើប្រាស់ពេលវេលាជាច្រើនម៉ោងក្នុងមួយថ្ងៃជាមួយនឹងបណ្ណាល័យហើយគាត់ក្លាយជាមនុស្សមិនសូវចូលចិត្តដើរលេងច្រើនដូចមុនទៀតទេ។
អាជីពជាអ្នកនយោបាយរបស់លោកអូបាម៉ាបានចាប់ផ្តើមជោគជ័យនាឆ្នាំ 1992 នៅពេលដែលលោកបានក្លាយជាមេធាវីការពារក្តីនៅក្រុមការងារសិទ្ធិមនុស្សហើយនៅឆ្នាំ 1997 លោកបានជាប់ឆ្នោតក្លាយជាសមាជិកសភាតំណាងទីក្រុង Illinois រហូតដល់ឆ្នាំ 2004 ប៉ុន្តែនៅក្នុងចន្លោះនេះនាឆ្នាំ 2000 លោកបានធ្លាប់បរាជ័យនៅក្នុងការបោះឆ្នោតជ្រើសជាតំណាងឲ្យសេតវិមាន។ក្រោយមកគាត់បានឈ្នះឆ្នោតក្នុងការឈរឈ្មោះជាតំណាងឲ្យទីក្រុង Illinois និងការឈរឈ្មោះបោះឆ្នោតជាច្រើនទៀតនៅមុនពេលដែលលោកត្រូវបានបោះឆ្នោតជ្រើសជាបេក្ខភាពប្រធានាធិបតីនៃគណបបក្សប្រជាធិបតេយ្យក្នុងឆ្នាំ 2007 ។នៅក្នុងឆ្នាំ 2008 ការបោះឆ្នោតជាសកលជ្រើសរើសតំណែងប្រធានាធិបតីអាមេរិកលោកអូបាម៉ាបានទទួលលទ្ធផលដ៏ធំធេងដោយបានយកឈ្នះសម្លេងឆ្នោតទៅលើបក្សប្រជែងគណបក្សសាធារណរដ្ឋដែលមានលោក John McCain ជាបេក្ខភាពឈរឈ្មោះ។នៅថ្ងៃទី 20 មករាឆ្នាំ 2009 លោកអូបាម៉ាត្រូវបានធ្វើការសច្ចាប្រណិធានក្នុងធ្វើពិធីចូលកាន់តំណែងនៅពីក្រោយតែ 9 ខែដែលលោកបានទទួលមេដាយសន្តិភាពពិភពលោកក្នុងឆ្នាំ 2009 ដដែលនោះ៕
តើអ្នកទាំងអស់គ្នាយល់យ៉ាងណាចំពោះរឿងរ៉ាវប្រវត្តិរបស់មេដឹកនាំដ៏កំពូលមួយនេះ? ៕
មតិយោបល់